西瓜園遺址

出自維基百科,自由嘅百科全書
Jump to navigation Jump to search

西瓜園遺址粵拼sai1 gwaa1 jyun4 wai4 zi2)係中國廣東省廣州市嘅其中一個遺址,喺人民中路嘅舊時豐寧路同太平北路嘅交界口嗰頭,廣州日報社嗰邊。嗰度之前係可以畀成萬人入到去開大會嘅廣場。喺民國初期,廣東省商團聯防總部就喺呢度搞過;嗰度重係商團軍嘅訓練操場。

所謂「西瓜園」[編輯]

點解呢度係嗌「西瓜園」嘅名?其實都有個古仔響度。

之前有位嗌「郭順」嘅人,成日就好鍾意去吹水、賭錢、甚至做鹹濕佬、酒鬼都嚟埋,就係唔識做嘢。佢之前成日幫人䤵髮,點知佢次次都係䤵痭個頭先至得,甚至連人哋條眼眉毛都剷埋,搞到個個人客都唔夠膽幫襯佢,所以佢成日窮到乞食都有。

有年春節,第啲䤵髮佬都忙到屄噉滯,而郭順就得閒冇嘢做,就諗住點快啲賺錢先至好。而嗰時咁啱嚟咗位扮到好似農夫噉嘅人攞住個大袋嘢嚟,就喺郭順間䤵髮鋪隔籬慢慢噉放低,就話要䤵髮。而郭順就一邊幫人䤵髮,一邊重嗌人睺實個大袋。嗰時農夫就噉諗喇:「個袋入面裝住啲乜啊?唔通係銀両?」而郭順就詐諦唔小心踢到下個袋,點知響咗「KANG」一聲。而農夫就嚇餐懵,就好小心噉將布袋收埋喺掂唔到嘅角落頭。

而郭順睇咗下佢做就噉諗:「佢話得好啱,如估唔係銀両嘅話,都使唔使噉畀人睺住啊?肯定係鄉下佬攞住啲銀両入大城度攞年貨啦。如估我攞咗呢啲銀両嘅話,噉咪過餐懵!?」點知郭順就諗住想殺咗佢。佢見到四周圍冇人,就趁住農夫瞇埋對眼嗰陣,用把剃刀割咗佢條頸,點知農夫噉就死咗喇。

而郭順打開咗個袋睇下,結果就O嗮嘴。發現個袋入面裝嘅唔係銀両,係拜神用嘅瓦粲!點知呢位農夫係入城探親家,而親家就嗌佢買咗啲瓦粲返去,驚住打爛先至喺條路度行得好小心,點知就半佬俾人殺咗。而郭順就驚到鼻哥窿都冇肉咁滞,因為殺人要填命[1],結果佢好急噉喺䤵髮鋪嘅後面挖咗個凼,將條鹹魚同瓦粲一齊丼埋落個凼入面。

而郭順喺撳埋啲泥嗰陣就嘑著:「農夫肯定實嚟報仇。」點知佢就先搵咗嚿瓦粲嚟寫咗坺字:「你又錯時我又錯,瓦粲使乜嚟托住?如估諗住嚟報仇嘅話,除非隻馬生隻角出嚟!」喺郭順寫完呢坺字之後就諗話:「馬邊識生隻角㗎!」,就咩事都冇發生過啦,佢將啲瓦粲丼喺條鹹魚嘅上面,再用啲泥撳埋,之後就走咗佬喇。喺佢走咗佬之後幾年,呢嚿荒地就生咗樖好靚嘅大西瓜出嚟,重結咗果添。

而廣州就喺呢年嚟咗嗌「駱秉章」嘅知府人士嚟做官。就喺嗰日熱頭,就咁啱經過呢度,嗰時佢好口渴到鬼就諗住入去間寮度搵水嚟飲,點知冇人喺間寮入面。喺知府啲人就快失望嗰陣,發現間寮嘅後院有隻大西瓜。佢諗住附近冇乜人響度就摘咗佢嚟食喇。

點知後面班隨從喺劏開嚿西瓜嗰陣就發現一大堆血響度!!!知府就諗喇,唔通有竟轟?就即刻嗌人去立案,查吓呢單嘢係邊個搞屎棍嘅。結果一搵就凈係搵到嚿瓦粲同骷髏骨響度。而知府就睇住上面寫住嗰兩句:「如估諗住嚟報仇嘅話,除非隻馬生隻角出嚟!」點知個官係姓駱[2],唔通單嘢同佢有拉臣?佢身為父母官就更加查清楚單嘢係邊個搞嘅。而知府就問咗吓附近啲人就知發生咗啲乜事。即刻通緝嗰位疑兇。

而郭順殺咗人之後就返咗去屋企度避難,過咗幾年又冇咩動靜就嚟廣州嘅賭場入面賭錢。有一日佢贏咗好多錢返嚟就好開心,點知就有咁啱得咁嘺,知府班人馬殺到埋嚟,將郭順捉咗,原嚟就係嗰日輸咗錢嘅賭徒嚟咗衙門入面報案攞錢嚟獎嘅。而郭順睇到啲瓦粲就嚇到鼻哥窿都冇肉。因為證據確鑿,冇得抵賴,結果俾班官捉咗去斬頭。

之後老一代嘅廣州啲人話農夫終於都可以瞓得安樂,就係因為「馬生角」呢3個字。之後啲人話呢度係西瓜園喇。

[編輯]

喺1927年12月11號,嗰班反國民黨嘅武裝反對派就搞咗單白色嘅恐怖組織活動,就喺中國共產黨嘅領導下爆發咗廣州起義,而起咗間功能民主政權嘅廣州蘇維埃政府。嗰年12月12號中午,廣州市入面300幾位工農兵嘅人就喺呢度開咗個廣東人民撐蘇維埃政府嘅大會。而廣州蘇維埃政府代理主席兼人民海陸軍委員同廣州起義嘅總指揮領導人——張太雷,就喺西瓜園嗰度宣佈廣州蘇維埃政府同埋發佈佢嘅政綱演講大會,但佢喺個會結束咗之後,返去廣州起義指揮部半佬就俾人偷襲打死咗。喺1950年,人民解放軍中南軍區某醫院就喺呢度整咗間醫院響度。

特色[編輯]

而家嘅西瓜園遺址附近,之前係賣固話同衫褲嘅,而家呢度係一笪賣手機同眼鏡嘅批發地區。附近重有間廣州日報總部,有好多書同報紙都喺呢度出入貨嘅。

附近嘅交通[編輯]

  • 巴士:
    上九東站

同佢有關嘅書籍[編輯]

[編輯]

  1. 嗰時係冇咩電子產品嘅,更加唔使講咩閉路電視喇。佢哋係靠智慧嚟捉人嘅。
  2. 馬+各=駱,「各」同「角」係同音字,都係讀gok3

出面網頁[編輯]