親巷喺廣州河南萬松園西南邊、大松崗嘅南邊，鄰近原江南中街道辦事處，家陣由得勝（北）社區管。
呢條巷仔又窄又長，高低錯落。條巷住咗幾十戶人家，佢哋住嘅屋都係啲一到三層嘅低矮平房。巷口對住馬路，嗰道有個「松嶠」牌坊。
牌坊喺親巷巷口，高約兩三米。而家，牌坊上「松嶠」二字已經剝落晒；牌坊前面起咗個臭肨肨嘅垃圾站。
親巷原先有瓷片畫四五幅，畫住一啲松樹同白鶴。後嚟畀人貼晒辦證件嘅廣告，有啲畫重畀人整壞咗。
親巷1號、1-1號、1-2號、2號、2-1號、2-2號、2-3號、2-4號、3至20號
廣州地鐵二號線江南西站E出口
