觀綠路 (廣州)

出自維基百科,自由嘅百科全書
  呢篇文講廣州市嘅觀綠路。想搵佛山市入面嘅觀綠路嘅話,請睇觀綠路 (佛山)
觀綠路
GUANLÜ LU
性質: 一般馬路
全長: 0.308公里
行車線: 雙向2車道
地區: 廣州市越秀區
起點: 人民中路
終點: 海珠中路

觀綠路粵拼gun1 luk6 lou6)係中國廣東省廣州市入面嘅其中一條一般嘅馬路,呢條馬路喺越秀區入面,成條馬路係東西走向。西邊從人民中路開始,一直向東去到海珠中路。喺2001年嘅廣州市換路牌之前,路牌係用咗「覌綠路」嘅名。

概要[編輯]

全長308米,闊9米,雙向2車道。不過人民中路詩書路口嘅橋底係唔畀行大車嘅(因為有條人民路高架橋嘅上橋位響度)。

經過嘅道路[編輯]

呢度啲路嘅順序係從西去到東嚟排嘅,其中加粗咗嘅字係主幹道:

[編輯]

其實觀綠路以前唔係條馬路,係條巷仔嚟嘅。以前民間就流傳過噉嘅嘢:因為呢度之前有棟方獻夫整嘅賜書樓同埋閣老府先至改咗噉嘅名。雖然啲舊嘅書就有講話官祿巷係話呢度有棟方獻夫整嘅賜書樓,但係冇話到「官祿巷」嘅名係因為有棟方獻夫整嘅賜書樓同埋閣老府先至改咗噉嘅名。其實「觀綠巷」呢隻名係點嚟?除咗以上呢兩度講法之外,後面重有三本舊嘅書都係唔同講法嘅。根據清朝嘅乾隆時期嗰陣,《廣州府志》呢本嘢就話咗: 「賜書樓在官祿巷,大學士方獻夫建。」而同治時期嘅《南海縣續志》就係噉話喇:「獻夫府在西城,有賜書樓,藏《明倫大典》處也。」而喺民國初期嗰陣時,黃佛頤寫嘅《廣州城坊志》就攞咗 《恭岩劄記》呢本嘢就話咗:「(賜書)樓毀於火,(閣老)府今亦荒廢。有人得其遺磚,篆書『閣老府磚富壽萬年』八字。」呢條馬路喺1920年嗰陣,廣州市政府就將條官祿巷整闊咗,搞咗條官祿路。後嚟到咗1966年嘅「文化大革命」嗰陣,由於嗰陣中央想廢除「破四舊」嘅關係,搞到「官祿」呢兩個字就被官方睇成係「四舊」,結果就將「官祿」呢兩個字就改咗佢嘅同音字——「觀綠」。由於呢隻名比較好聽,所以過咗文革之後,「觀綠路」呢隻名就一直用到依家喇。[1]

特色[編輯]

呢條路喺未起人民路高架橋之前,嗰度係廣州市嘅第一条燈光嘅夜市,成日好興賣啲衫褲嘅。但係到咗1987年,由於人民路高架橋啱啱起好咗,搞到觀綠路嘅燈光夜市都冇埋(因為整咗條引橋落嚟)。依家嘅觀綠路已經變咗係一條好靜嘅路喇。

[編輯]