許家屯
許家屯（1916年3月10號—2016年6月29號），原名許元文，江蘇如皋人，曾經係中國共產黨黨員，曾任中共江蘇省委第一書記、中共港澳工作委員會書記、新華社香港分社社長（相當於家下香港中聯辦主任）。1990年六四事件後走到美國[1]。
簡歷
[編輯]1938年4月加入中國共產黨，曾任江蘇省東灌沭中華民族解放先鋒隊組織部部長、中共如西縣委書記、中共泰州縣委書記。1945年，升任為蘇中區第三地方委員會書記。1948年4月，擔任華東野戰軍第十一縱隊第三十三旅副政治委員。1949年3月，為第三野戰軍第二十九軍第八十七師政治委員。
1949年中華人民共和國建立後，任中共福州市委副書記、書記，中共福建省委工業部副部長。1954年10月任中共南京市委書記。1956年3月起任中共江蘇省委常委。1956年7月任中共江蘇省委書記處書記，兼任江蘇省科委主任、中國科學院江蘇分院院長。
1967年1月下放「五七」幹校勞動。1970年12月中共江蘇省委常委、江蘇省革委會副主任。1975年9月任中共江蘇省委書記、江蘇省革委會副主任。1977年2月至1983年3月任中共江蘇省委第一書記，1977年2月至1979年12月任江蘇省革委會主任，1977年12月至1979年7月兼任江蘇省政協主席，1979年12月至1983年4月任江蘇省人大常委會主任。
1983年至1989年，許家屯出任中共港澳工作委員會書記（中共港澳工委書記），新華社香港分社社長（相當於中央政府駐港聯絡辦主任）。
許家屯係中共第十一屆、十二屆中央委員，1985年喺中共全國代表會議上當選為中共中央顧問委員會委員，第四屆、五屆、六屆全國人大代表，第七屆全國人大常委會委員。
1990年4月下旬，許家屯經金堯如安排出走美國。1991年被開除黨籍，並撤銷第七屆全國人大常委會委員職務。
1993年著有《許家屯香港回憶錄》。
2007年7月，許家屯接受香港有線新聞同埋《明報月刊》專訪[2]，佢否認中共保守派對其中嘅賣國指控。佢承認六四事件發生後有富商向佢主動提交一個十幾位港人聯署嘅建議書[3]，以一百億港元租借香港十年，由港人自治。佢當時只係如實向中央反映該建議書，反映前並得到時任中共總書記江澤民點頭默許，並非如官方所指嘅賣國。
出逃原因
[編輯]六四事件之後，北京方面對支持學潮嘅人員進行清洗，喺海南省長梁湘被免職後許家屯感到受威脅，決定出逃[4]。
逝世
[編輯]2016年6月29號，喺美國洛杉磯屋企逝世，享年100歲[7][8]。
參考書
[編輯]- 《許家屯香港回憶錄》，聯經出版事業股份有限公司1993年10月初版，ISBN 9570810530
- 《許家屯回憶與隨想錄》，明鏡出版社1998年10月初版，ISBN 1896745806
- 《周南口述：遙想當年羽扇綸巾》宗道一 等編著，齊魯書社2007年6月初版，ISBN 9787533318086
攷
[編輯]- ↑ 許家屯隐居美国15年，正在想什么？ 多維新聞網 2005年8月7號
- ↑ 六四後港商建議百億租治權 互聯網檔案館嘅歸檔，歸檔日期2007年7月5號，.，明報2007年7月3號
- ↑ 《我「賣國」？─在香港工作七年的一些回憶 互聯網檔案館嘅歸檔，歸檔日期2013年11月8號，.》林立心 整理，《明報月刊》2007年8月號
- ↑ 〈六四後流亡美國 許家屯傳病危〉。東方日報。2016年5月16號。
- ↑ 〈《壹週刊》踢爆投桃報李舊事 董建華助養許家屯情婦〉。蘋果日報。2002年7月12號。原著喺2016年7月1號歸檔。喺2016年6月29號搵到。
- ↑ 〈本刊曾揭許有情婦 由董建華報恩助養《壹週刊》踢爆投桃報李舊事 董建華助養許家屯情婦〉。蘋果日報。2016年5月15號。原著喺2016年6月18號歸檔。喺2016年6月29號搵到。
- ↑ 高伐林 (2016年6月29號)。〈许家屯今天在美国安详去世，享寿101岁〉。明鏡郵報。原著喺2016年7月2號歸檔。喺2016年6月29號搵到。
- ↑ "Xu Jiatun dies at the age of 100" (英文). 香港電台. 2016年6月29號.