許朝英

許朝英，香港親中派基督教人士，宣道出版社榮譽社長。

選舉經歷同政治觀點

2011年，佢由香港華人基督教聯會提名參選香港特別行政區選舉委員會宗教界委員，之後當選。

喺雨傘運動期間，佢曾經呼籲示威者撤出，又批評示威者要求北京撤回未經諮詢或香港人同意嘅831決定，同埋同示威者對話嘅要求係缺乏政治經驗同智慧。另外，雖然當時有一啲聲音批評警察嘅暴力執法，許朝英就讚揚警察堅守崗位，『任勞任怨』、『具備高操守』。

個人興趣

除咗基督教事工之外，佢本身自細亦有習武，自言係黃飛鴻第四代弟子，過去喺個別教會機構慶典上，也試過即場表演武藝。