諸葛緒

諸葛緒（?—?），琅邪郡陽都縣人，曹魏末年到西晉初年嘅政治人。

生平

諸葛緒係曹魏嘅雍州刺史，佢喺魏滅蜀之戰嗰時帶三萬士兵到陰平橋頭攔截蜀將姜維，目的係令姜維救唔到陽安關。姜維聽講諸葛緒已經喺陰平橋屯駐，於是往北方行軍，扮成要偷襲雍州嘅樣。諸葛緒知道之後將軍隊後撤三十里，姜維行咗冇耐之後見到諸葛緒被自己呃咗，於是即刻掉頭返陰平橋。諸葛緒知道後亦都即刻追返轉頭，但係冇追到姜維。鍾會做低陽安關之後帶兵南下，喺陰平嘅鄧艾本嚟想揾諸葛緒一齊行陰平小路，但喺諸葛緒認為呢個唔係司馬昭嘅命令，於是拒絕咗鄧艾嘅邀請，並且帶兵到白水同鍾會集合。點知鍾會話佢「畏敵不前」，將佢用囚車運返曹魏，並且趁機控制咗佢嘅軍隊。之後諸葛緒做咗曹魏嘅太常，西晉建立之後改做衛尉。