謝廷駿

出自維基百科,自由嘅百科全書
Jump to navigation Jump to search

謝廷駿(原名謝志偉英文Tse Ting Cheunn Masa1978年9月5號2010年8月23號),喺屋企三兄弟排中間。讀過賽馬會官立工業中學,19歲一個人去歐洲流浪咗三個月,因為鍾意《機動戰士》入面嘅角色「馬沙」而將英文名改做Masa[未記出處或冇根據]

謝廷駿喺1999年首先加入太陽活力之旅做全職領隊後再加入康泰旅行社做全職領隊,2003年辭職。2009年喺香港四季酒店任職救生員,同年亦有寄信投考差人,2010年去過印度瑜伽一個月,原本打算學有所成返香港開班教學生,但當完成瑜伽課程畢業後返香港,就遇上瑜伽中心倒閉潮。為咗生計,佢重操故業兼職帶團,再慢慢搵正職[1]

喺2010年8月23號,喺一個菲律賓4日3夜團入面嘅最後一日,遇上馬尼拉人質事件。槍手以及被革職嘅菲律賓警察Rolando Mendoza強行登上謝廷駿帶領嘅旅行團嘅旅遊巴,挾持領隊謝廷駿、導遊、旅行團團員等共25人。Rolando Mendoza雖然喺同警方對峙期間釋放部分人質,但談判咗十幾個鐘都未解決,之後就同警察爆發槍戰。槍手首先喺黃昏射殺領隊謝廷駿,享年31歲,再向其他團友開槍。事件最終造成8名人質死亡,7名人質受傷[2]

佢嘅勇敢行為觸動香港人嘅心靈,有唔少網民其後喺網上設靈,悼念謝廷駿。2011年10月29號,港府向謝廷駿同埋其餘兩位捨身求仁嘅團員頒授金英勇勳章[3]

參考[編輯]

  1. "領隊謝廷駿死不瞑目 - 東方日報". orientaldaily.on.cc.
  2. "菲總統就馬尼拉人質事件正式向港人道歉 易小玲:意義不大 謝廷駿兄:會到弟墳前告知 (20:57) - 20180412 - 港聞". 明報新聞網 - 即時新聞 instant news (中文).
  3. "謝廷駿 梁錦榮 傅卓仁追頒金英勇 - 東方日報". orientaldaily.on.cc.