譽宴集團
譽宴集團（U-banquet Group）係香港一間中式酒樓飲食集團。由於創辦人張家豪喺反送中運動期間嘅言論同埋譽宴不時贊助親中派無綫電視嘅節目，又曾經為自由黨張宇人助選，所以有啲黃色經濟圈支持者會將譽宴集團視為「藍店」。
佢地曾經上市以譽宴集團控股名義上市(港交所：1483)，但之後分拆咗，本來上市嘅公司賣走咗中式酒樓業務並改名做網譽科技[1]。
史[編輯]
譽宴喺2011年1月1號成立，由張家豪創辦。譽宴前身係彩福婚宴集團，喺2000年開設第一間分店。其後因為經營理念不合，同彩福另一名股東分家，再改名做譽宴[2]。彩福婚宴之後曾經對外表示，兩個集團唔存在合作關係。
2013年12月10號，譽宴集團喺創業板以配售形式上市，發行1億股股份，當中5000萬股係新股，配售價介乎1至1.2港元之間，當時嘅上巿代號係8107[3][4]。
旗下品牌[編輯]
- 星海薈
- 蟹點[5]
已經無咗嘅品牌[編輯]
- 涮得棧
爭議事件[編輯]
喺武漢肺炎疫情期間，譽宴曾經被揭發逼員工接種武漢肺炎疫苗，另外主席張家豪更宣稱香港反送中運動年輕抗爭者俾人利誘掟汽油彈，因而激起民憤，一啲網民呼籲要全面杯葛譽宴[5]。
參考[編輯]
- ↑ 〈譽宴主席言論惹抵制 彩福「割席」澄清已分家 - 20210504 - 報章內容〉. 《明報財經網》 (英文). 喺2023-04-01搵到.
- ↑ 〈SUN世代：婚宴一條龍 夠專才會贏〉. 太陽報. 2011-09-12. 原著喺2017-01-11歸檔. 喺2020-09-25搵到.
- ↑ 〈【新股】譽宴配售形式創業版上市〉. 香港蘋果日報. 2013-11-28. 原著喺2021-06-21歸檔. 喺2020-09-25搵到.
- ↑ 〈新股追蹤：譽宴(8107)配售1億股 本月10日於創業板上市〉. 2013-12-05. 喺2020-09-25搵到.
- ↑ 5.0 5.1 門徒媒體 (2021-05-04). 〈譽宴老闆新店蟹點同遭網民杯葛：「仆你個街譽宴嚟嘅」〉. 《門徒媒體》 (臺灣中文). 喺2021-10-26搵到.