豪爾牛頓

出自維基百科,自由嘅百科全書
Jump to navigation Jump to search

豪爾牛頓Huey P. Newton1942年2月17號1989年8月22號)係美國黑人領袖,佢喺路易士安娜州出世,創立「黑豹黨」(Black panthers)搞暴力革命,曾經訪問中國,見過周恩來江青,最後畀人槍殺。

簡歷[編輯]

豪爾牛頓𡃁仔嗰陣只係美國黑人區一個街邊爛仔,不過佢話自己同其他爛仔唔同,因為佢話自己就咁睇書,就讀識咗柏拉圖嘅哲學。

1964年佢因為街頭持械而被人拉咗去坐監,喺嗰陣時,美國社會好反動,好多例如黑人民權、女權、工人權益咁,好多社會抗爭,所以個社會好推崇公民抗命。豪爾牛頓因為持械而被人拉咗去坐監,點知畀人當咗係公民抗命嘅革命英雄。

坐咗6個月監放返出嚟之後,佢同兩個老友Bobby Seale 同 Richard Aoki 喺1966年搞咗個「黑豹黨」(Black panthers),佢哋認為,對於馬丁路德金嗰種和平抗爭已經唔耐煩,馬丁路德金嗰套已經過時,係時候要開始暴力革命。所以佢哋決定,黑豹黨要走嘅係一條暴力抗爭路線,以暴力手段為黑人爭取權益。

佢喺美國嘅黑人社區提倡馬克思主義,將一班弱勢社群武裝起嚟,鼓吹暴力革命,黑豹黨成員甚至會喺條街度持槍巡邏。畀美國政府當做眼中釘。

1968年佢因為誤殺罪要坐2-15年監,之後佢同黑豹黨個朵就更加響到全美國人人都識。

1970年佢上訴成功,放監出嚟,之後走去訪問中國,重得到周恩來江青接見。返返美國之後,佢繼續走暴力革命路線,但美國社會已經唔再接受呢套。黑豹黨入面亦都分裂咗一班人出嚟,走返比較和平嘅抗爭路線,最後仲演變成一個基層福利團體。

但係豪爾牛頓唔單止無放棄暴力抗爭,而且仲搞得大鑊過以前,而實際上呢個時期已經佢已經唔可以再算係搞社會抗爭,直情係搞緊黑社會。佢有好多次殺人嘅紀錄,1974年曾經因為謀殺而畀人告,於是流亡咗去古巴。又挪用公款做毒品買賣,一日到黑打打殺殺。以前畀人當係社運英雄,呢個時候開始已經變咗麻煩友,人見人憎。

1977年返返美國。1989年因為挪用公款,喺一場槍戰度畀人3槍做瓜咗。