柏拉圖

柏拉圖
姓名原文	Πλάτων
出生日	公元前427年5月7號
出生地	古雅典
本名	Αριστοκλής
死亡日	公元前347年
死亡地	古雅典 (提洛連盟)
國籍	古雅典
母語	古希臘文
通曉	古希臘文
職業	哲學家、epigrammatist、詩人、作家
風格	Platonic dialogue
名作	克力同篇、尤西弗羅、斐多篇、歐緒德謨篇、普羅泰戈拉篇、蒂邁歐篇、高爾吉亞篇、美諾篇、蘇格拉底的申辯、卡爾米德篇、克利托芬篇、克拉底魯篇、克里特阿斯、厄庇諾米斯篇、厄律克西亞篇、阿奇拜得篇之一、希帕庫篇、大希庇亞篇、小希庇亞篇、伊安篇、拉凱斯篇、法律篇、呂西斯篇、美涅克塞努篇、彌努斯篇、巴曼尼得斯篇、斐德羅篇、理想國、菲力帕斯篇、阿奇拜得篇之二、西緒福篇、智者、政治家篇、會飲篇、Theages、競爭者篇、泰阿泰德篇、書信篇
阿爸	Ariston of Athens
阿媽	Perictione
兄弟姊妹	Potone、阿狄曼圖、格老孔、Antiphon
[改維基數據]

柏拉圖（粵拼：paak3 laai1 tou4，希臘文：Πλάτων；公元前428年/427年－公元前348年/347年）係古希臘哲學家。佢建立咗西方世界第一個高等學府—雅典學院。

佢同導師蘇格拉底同埋學生亞里士多德一齊被視為西方哲學嘅奠基者。柏拉圖亦都成日被認為係西方宗教同靈性嘅奠基人之一。

柏拉圖係哲學中對話同辯證形式嘅創新代表。柏拉圖亦都被認為係西方政治哲學嘅創始人。佢最出名嘅貢獻係理型論。佢提出咗解決普遍問題嘅方法，即係柏拉圖主義（或者叫柏拉圖現實主義或者柏拉圖理想主義）。柏拉圖式愛情同柏拉圖立體都係因佢而命名嘅。

同佢同時代人嘅人唔同，柏拉圖嘅全部作品都被認為完整保存咗超過2400年。 雖然咁多年來佢啲作品嘅受歡迎程度一直上上落落，但係柏拉圖嘅作品由此至終都有唔少人睇。

生平

早年

因為淨低嘅紀錄得好少，所以而家對柏拉圖嘅早年生活同教育所知好少。柏拉圖生於一個有影響力嘅貴族家庭。相傳佢爸爸阿里斯頓（Ariston）係雅典國王科德魯斯同梅塞尼亞國王梅蘭圖斯嘅後人。

柏拉圖嘅媽媽係佩里克緹翁妮（Perictione），佢嘅屋企人成日吹噓佢哋同著名雅典立法者同抒情詩人梭倫（係七個賢哲之一）嘅關係。佩里克緹翁妮同夏密德（Charmides）係姊妹，亦係克里蒂亞斯（Critias）嘅侄女，呢兩個人都係三十暴君集團嘅重要人物。 根據一啲講法，阿里斯頓試圖將注意力轉移到佩里克緹翁妮，但唔成功。最後阿波羅神向佢顯靈，令阿里斯頓唔再搞佩里克緹翁妮。