貧血係指血液唔夠紅血球同血紅素嘅病，按照病情輕重會有唔同病癥，包括感覺攰、眼結膜同嘴唇蒼白、視野發黑、頭暈、呼吸喘促等等。
貧血嘅原因可以分為三大類：第一個係失血，第二個係製造量少咗，第三個係分解多咗。
貧血亦可以根據每個紅血球嘅大細同埋每個紅血球中嘅血色素含量分為：小球性貧血、正常血球性貧血、巨球性貧血三種。
