賽道

一架架跑車喺賽道上面高速行駛。

賽道coi3 dou6係指一啲俾人攞嚟進行鬥快（賽跑、跑馬或者賽車呀噉）活動嘅設施，最重要嘅係要有條路俾啲參賽者喺上面高速噉郁動，廣義上仲會包埋為咗安全理由而起嘅圍欄（尤其係起嚟賽車或者跑馬嘅賽道）等嘅設施。

詳細啲分嘅話，賽道仲可以分做永久性同非永久性兩種，非永久性嘅賽道喺賽車當中幾常見－大型賽車盛事可以涉及舉辦單位（喺政府准許下）暫時封嗮座城市成個區嘅馬路，用個區啲馬路做賽車用嘅賽道，賽完車就執返乾淨佢，第日啲路又攞返嚟做正常嘢。

睇埋

• 鬥快
• 賽車
• 競速遊戲
• 遊戲關卡