賽馬會特教青年學苑
賽馬會特教青年學苑，喺2020年由香港教育大學特殊學習需要與融合教育中心開設，為有特殊學習需要嘅高中畢業生，提供喺大學校園學習嘅機會，係全香港第一間附設喺大學校園嘅特殊學校。學苑為有特殊學習需要嘅中六畢業生提供為期一至三年嘅應用同培訓課程，例如桌上遊戲、花藝設計、攝影同媒體創作等，又安排職場實習，讓學生增值知識同技能。
簡介[編輯]
香港教育大學特殊學習需要與融合教育中心，獲教育局同香港特殊學校議會嘅支持，成功申請2019年度「行政長官社會資助計劃」，並得到香港賽馬會慈善信託基金撥款資助，喺中心之下設置「賽馬會特教青年學苑」，為有特殊學習需要嘅離校畢業生，提供三年喺大學校園内學習嘅機會。此外，亦為學生家長、業界同工、教育大學嘅準老師提供培訓，目的係令佢哋認識各類特殊學習需要嘅特徵、面對嘅困難同訓練需要，從而給予支援，並協助有特殊學習需要嘅青年勾劃未來嘅生涯規劃藍圖，融入社會。
課程唔具有資歷認可，著重應用實踐、培養協作溝通能力，學生唔需要交學費，畢業之後可以獲頒結業證書[1]。
對象學員[編輯]
有特殊教育需要年齡介乎嘅18-30歲，並完成香港中六課程嘅離校畢業生。
課程概覽[編輯]
- 核心課程
- 認識生涯規劃
- 選修課程
- 生態園行進曲︰學與做、樂與怒
- 桌上遊戲培訓證書
- 運動及體適能培訓
- 無障礙歷奇動力學堂
- e-樂團創演培訓課程
- 導修課程
- 個人導修
參考[編輯]
- ↑ 〈SEN生缺持續進修機會 教大青年特教學苑設桌遊花藝課程助覓出路〉. 香港01. 喺2021-06-17搵到.
