赤地

  想搵第二個意思嘅話，請睇赤地 (搞清楚)。

赤地

赤地，地況一類，講地空無一物。呢處赤唔解做朱、紅。前漢書五行志，「赤地千里」，就有顏師古注為「空盡無物曰赤。」史書常見赤地千里、赤地三年等，就指地方旱災蝗災，草木枯盡、食盡嘅景況。人災如戰禍，兵火焚盡，田舍荒廢，亦為赤地。

天人感應

古人尚天人感應，赤地為上天懲戒國君。春秋記載，晉平公問盲人樂師師曠，乜嘢至悲之音。師曠話至悲之樂，只有有德之君可以聽，平公德薄唔聽得。公唔聽勸，要師曠奏，至終招來災禍，當中有晉國赤地三年。此事後世書多提及。

淮南子天文又有講，「人主之情、上通於天、故誅暴則多飄風、枉法令則多蟲螟、殺不辜則國赤地、令不收則多淫雨。」君主惡行會通天，若殺無罪之人則國赤地。

由此赤地為國君德唔夠所致。