趙心童
閱讀設定
趙心童(英文:Zhao Xintong,1997年4月3號—),國籍中國,喺陝西西安出世,喺尊龍娛樂斯諾克學院畢業,係中國職業士碌架運動員。
運動生涯
[編輯]1997年趙心童喺陝西西安出世,師承中國士碌架教父伍文忠,係丁俊暉、郭華、梁文博、金龍、田鵬飛、肖國棟等世界級台球選手同國家級國手嘅師弟。
趙心童15歲已經喺中國士碌架圈子裏面打響名堂,而且重曾經得到2010年中青賽青年組亞軍、深圳公開賽冠軍,全國中青排名前八,單桿最高分143分,係左手選手。
由2009年開始,趙心童專攻桌球。佢父母好早就買咗波枱,請埋教練,後來拜師伍文忠,所以趙心童嘅進步非常大。佢被認為前途無量,係中國桌球嘅未來之星。2012世界士碌架球員巡迴賽深圳金港站比賽站四強選手[1]。
2018年5月25號,趙心童喺受到降級之後,終於驚險地通過最後嘅職業資格選拔賽重返職業賽場[2]。
參考
[編輯]- ↑ 艾倫稱趙心童讓人心驚但還稚嫩 贊其前途無量_鳳凰體育
- ↑ 〈趙心痛重返職業賽:中國最具天賦球員新賽季能否有上佳表現〉。原著喺2020年3月28號歸檔。喺2019年3月8號搵到。