趙C（1986年7月18號—），中國江西鷹潭人，男[1]，老頭趙志榮係律師，用一個英文字母「C」做個仔個名，係希望個仔學好漢語同時都要學好英文，而且「中國」嘅英文"China"係C開頭，而且以"C"開頭嘅單詞最多，寓意「人丁興旺」，於是改個噉嘅名[1][2]。相關部門不嬲接受爾個名[2]，2005年愛唻申請第一代身份證得咗，但係到2006年8月換第二代身份證就畀有關部門拒絕[2][3]。2009年1月，趙C狀告鷹潭市公安局月湖分局[2]，一審勝訴[1][4]，但係公安局上訴。2009年2月27號法庭宣佈雙方庭外和解[4]，趙C決定改個中文名[4]。
