跳大繩

細蚊跳大繩

跳大繩

跳孖繩

跳大繩，跳繩遊戲一種，集體遊戲一種，用條大繩玩，玩親至少三人。揸繩兩人，一人揸一頭。兩人同步將條大繩，順住一個方向，係咁打圈。其餘玩者就跳入裏面，一人跳又得，幾人跳都得，視乎條繩夠唔夠長。

玩跳大繩要配合繩轉速，相當有節奏。跳者需要睇跳入時機，完時亦掌握跳出時機，跳時亦要相當專注。而且持續跳會消耗相當體力。多人玩又相當有氣氛。

除咗簡單咁跳，亦會加啲花式，以增樂趣。例如繩轉得有快有慢。跳者要轉身、掂地、開腳合腳、單腳雙腳、踎低跳之類。有時會動作配埋口令。

再加難度，會跳孖繩，揸繩兩人會轉兩條繩。又或十字交叉繩，兩對人轉繩成十字。

口令

• 紅黃藍白黑，咖啡煲橙汁。
• 熊人熊人單雙，熊人熊人掂地，熊人熊人轉彎，熊人熊人 get out you。