較腳

較腳（發音：Gaau3 Goek3）係粵語獨有既用詞，意思就係急急腳避開唔喜歡既人或者事，意思同「鬆」、「鬆人」、「閃」或者「散水」，亦有啲似「躝」、「走佬」、「走難」或者近年中國既普通話流行語「潤」（粵語「潤」既講法只流行係廣州或者附近地區）近似。

用法

「較腳」既典型用法：「夠鐘收工嘞，仲唔較腳？」，其中「較腳」可以用「鬆」、「鬆人」、「閃」、「散水」代替，意思完全一樣。

「較腳」同「躝」意思有啲似，不過用法同程度好唔同，例如：老細問：「都未夠鐘，條友就較咗腳喇？」同「都未夠鐘，條友就躝咗喇？」意思雖然近似，不過語氣同不滿程度好唔同，前者係非常不滿，後者可能只係發下牢騷。

「較腳」既意思亦都有啲似「走佬」、「走難」、「潤」近似。例如：「咁既環境，仲唔快啲較腳？」裏面既「較腳」完全可以用「走佬」、「走難」、「潤」代替，意思完全一樣。不過前面講既「夠鐘收工嘞，仲唔較腳？」裏面既「較腳」就唔可以用「走佬」、「走難」或者「潤」代替。