迴光返照

迴光返照（英文：Terminal lucidity），係指一啲晚期嘅嚴重病人喺就嚟死之前出現嘅反常而短暫嘅好轉現象。迴光返照嘅病人通常係喺昏迷咗好耐之後突然清醒，或者由好虛弱變到好精神，恢復食慾，重可以同人哋謦欬，甚至重行得企得走得郁得。但係病情會喺幾日或者幾個鐘頭之內惡化，最後離開人世。

迴光返照呢個現象通常會喺精神疾病、腫瘤、中風、腦膜炎同𠹺阿茲海默症等等嘅晚期病人嗰度見到。而對於呢個現象嘅科學解釋，一般認為係人體嘅免疫系統同內分泌系統對病進行最後抵抗而引起。