迴旋處

迴旋處

英國布里斯托（Bristol）嘅一個迴旋處

迴旋處（英文：Roundabout，或者叫圓形地）係路一種。佢多數形係打個圈咁，中間留塊圓形地唔畀車入，車就響圓外邊行。迴旋處駁咗三條，或者再多啲嘅路嘅路口。車到咗迴旋處路口，會停低，等圈來緊嘅車走咗，先至行。好處係可以唔使用紅綠燈，都可以控制到路口交通，另外亦唔使車等太耐，就可以轉去其他路口，因為只要一但進入迴旋處，一定可以好暢順咁離開迴旋處。

之不過，如果車太多，就會要排隊進入迴旋處。而高速公路因為車速要高，通常都好少有迴旋處，避免車速減慢排隊。所以高速公路嘅迴旋處，通常係用喺出口嘅交匯處。

中間圓形地有大有細，有啲只係馬路油咗個圓，有啲用來做綠化地帶，有啲大到用來起屋。但其實比較正確嘅係中間唔可以放會遮擋視線嘅嘢，喺呢個原則下想種花種草都得。

史

全世界第一個迴旋處就係1901年設喺法國巴黎凱旋門。而英國嘅迴旋處喺五年之後喺萊奇沃思田園城市，原本攞嚟做行人安全島 。