通用頂級域

出自維基百科,自由嘅百科全書

通用頂級域generic top-level domaingTLD),又叫通用頂級域名,係互聯網號碼分配局(IANA)管理嘅一類頂級域,區分唔同種類嘅機構

通用頂級域喺1985年開始有,初頭有六個:.com.edu.gov.net.org.mil,到2000年代開始陸續加,而家已經有幾百個。

通用頂級域本來並唔通用;喺國家同地區頂級域出現之後,.com、.edu、.gov、.org 同 .mil 嘅意思一度定義做 「美國嘅牟利機構」、「美國嘅專上學院」、「美國聯邦政府」、「美國嘅非牟利機構」 同 「美國軍部」,唔喺美國嘅其他機構(例如加拿大本來用開 .edu 嘅大學)全部要轉用國家同地區頂級域。到而今 .gov 同 .mil 仍然只限美國聯邦政府同美國軍部用。

互聯網開始普及之後,好多本來同科研無關嘅公司開始用互聯網,好多唔知所謂 「通用頂級域」 其實係美國專用,有啲負責域名域冊嘅機構為咗賺錢,亦都冇阻止唔係美國嘅公司機構註冊;大約2000年左右,.com、.net 同 .org 被重新定義,變成唔係美國專用嘅通用域名。

睇埋[編輯]