遇龍河

遇龍河

遇龍河（粵拼：jyu6 lung4 ho4）係中國廣西東北邊嘅河，亦係灕江嘅支流，成條喺桂林境內。全長45.90km，流域面積356km²。

概況

呢條河初期嗌做安樂水，後嚟因為有座遇龍橋而改成噉嘅名。源頭喺臨桂南邊山鄉永平村譚家坉西南邊冇幾遠嘅位開始流出，向東經過陽朔金寶鄉利學村，流到高田鎮鳳樓村嘅大榕樹景區之後同金寶河匯合兼轉向東流。去到陽朔縣城南邊嘅矮山村轉向北流，到縣城東南邊嘅書童山工農桥位同灕江匯合。

特色

遇龍河喺陽朔地區附近成為旅遊景點之一，亦納入咗十里畫廊景區嘅一部分。附近亦搞出咗漂流業、觀光業等一系列嘅旅遊行業出嚟。