達濠城
| 達濠古城牆 | |
|---|---|
| 廣東省文物保護單位 | |
 達濠城達善門 | |
| 喺邊 | 汕頭市濠江區 |
| 類 | 古建築 |
| 時代 | 清朝 |
| 冧 | 6-11 |
| 登錄 | 2010年 |
| 地圖 | |
達濠城係喺廣東汕頭嘅一座清朝古城，喺達濠島永濠街，康熙五十六年（1717年）落成。佢得個萬四方咁大（約合3.46英畝），係中國現存最細嘅古城。1988年入汕頭市第一批文物保護單位名錄。2010年列爲第六批廣東省文物保護單位。
建置
[編輯]達濠城舊屬潮陽縣奉恩鄉招收都[1]。城高5米，城週長429米，面積14000平方米。有二道城門，東、西邊分別係達善門同西濠門。城嘅四隻角有城樓，東、西邊各有一座更樓。城入邊設「南澳鎮水師左營守備府」、「招寧司巡檢署」、「招收鹽場」等衙門[2]。
史
[編輯]從明朝嘉靖開始，東南沿海海盜周時出沒，朝廷亦都無佢哋收。而達濠島地處濱海，河渡門方便咗海盜出入。於是乎，鄉民自己起「踏頭寨」防海盜。隆慶元年（1567年），明朝施行「招撫」政策，倭寇問題反爲更加之厲害。明末清初，海盜邱輝佔據達濠島[3]。
康熙十九年（1680年），清朝打贏邱輝，「設達濠營副將一、都司三、守備三、千總六、把總十二、兵三千名」。第年喺達濠島起達濠營守備署，控制達濠地區嘅統治。五十五年（1716年）冬，朝廷落令兩廣總督楊琳等人起達濠城，之後就再無海盜侵擾達濠[4][5]。
民國七年（1918年），城入邊起咗群英、盛德兩間小學，幾十戶清朝官吏嘅後人入城住。1938年，㗎佬侵佔達濠，趕嗮城入邊啲居民扯，拆埋佢哋啲屋[6]。
攷
[編輯]- ↑ 林大春 (編)。〈卷六 輿地誌·鄉都〉. 《（隆慶）《潮陽縣誌》》。
- ↑ 秦梓高、陳國英 (2006年8月6號)。〈汕頭達濠城小亭多路名奇〉。《汕頭日報》 (簡體中文)。汕頭大學圖書館·潮汕特藏網。
{{cite web}}: CS1 maint: url-status (link) - ↑ 陳愛輝 (2016年11月9號)。〈从亂到治：見證地方社會秩序變遷的達濠城〉。《汕頭特區晚報》 (簡體中文)。潮汕民俗網。
{{cite web}}: CS1 maint: url-status (link) - ↑ 楊琳。《砲臺序》。｢又達濠一營向設水師守備，並無城郭捍蔽，今築城一座以資守禦。｣
- ↑ 《（嘉慶）潮陽縣誌》。｢......越丁酉年，復於河東地創達濠城，以周防扼要，慎固棉封，可謂不留餘力以遺後人矣。雖風雨飄摇，頻加修葺，而歷時既久，保固金湯，庶幾乎百年無事，承見昇平景象也。｣
- ↑ 王沖寒 (2003年5月6號)。〈汕頭達濠袖珍古城十五分鐘繞一周〉。《廣州日報》 (簡體中文)。南方網。