遠東廣播公司

遠東廣播公司（英文：Far East Broadcasting Company，簡稱FEBC） 1945年喺美國成立，主要向世界各地傳播基督教方面嘅信息。透過FM、中波、短波電台同多元媒體，以接近一百種語言，向全世界三分之二嘅人傳播福音。

國際遠東廣播[編輯]

國際遠東廣播嘅成員機構分佈喺全球20幾個國家同地區，其中包括：澳洲、柬埔寨、加拿大、德國、香港、印度、印尼、日本、哈薩克、韓國、蒙古共和國、緬甸、紐西蘭、菲律賓、俄羅斯、南非、台灣、泰國、英國、美國、越南、辛巴威等。

各成員機構都認同「藉媒體將好消息散播，驅使人跟隨耶穌基督」嘅異象，每個組織同事工都係獨立運作。同時，各成員機構都有權參與決策遠東廣播公司整體嘅廣播事工，並有義務承擔費用。

香港遠東廣播公司喺1958年成立，透過良友電台、益友電台，向中國內地同胞廣播福音信息，牧養群羊、裝備信徒領袖。隨住政治、經濟同社會嘅轉變，以及資訊科技嘅進步，遠東廣播積極拓展以廣播為主軸嘅多元媒體事工，節目內容同製作模式亦務求貼近聽眾嘅需要。