郭金發

出自維基百科,自由嘅百科全書
Jump to navigation Jump to search
郭金發
男歌手
原名 郭金發
花名 肉粽歌王、寶島低音歌王
國籍  中華民國
出世 1944年3月1號
大日本帝國國旗 日治臺灣臺北州臺北市大稻埕
2016年10月8號(2016-10-08)(72歲)
臺灣 臺灣高雄市鳳山區衛武營都會公園
死因 心肺衰竭
職業 歌手電台主持人
語言 國語閩南語
配偶 郭何櫻子
仔女
  • 郭建良(大仔)
  • 郭建男(二仔,癌歿)
  • 郭建盟(細仔)
音樂類 臺語流行音樂
出道地 臺灣 臺灣
出道日期 1961年
代表作品 〈燒肉粽〉
〈為什麼〉
〈行船的人〉
〈可愛的馬〉
〈溫柔鄉的吉他〉
活躍年代 1961年-2016年

郭金發1944年3月1號2016年10月8號)係臺灣臺語流行音樂男歌手,臺北市大稻埕人,做過播音員,以歌曲《燒肉粽》成名,人稱「肉粽歌王」[1][2]。雖然早年成名,唱片亦賣座,一生遺憾惟有未得過類似金曲獎嘅獎項。2016年10月8號參加高雄市鳳山區重陽節敬老演唱會,喺台上演唱《燒肉粽》時突然暈倒,送院不治,享壽72歲[3][4][5][6]

生平[編輯]

郭金發喺臺北市大同區大橋國民小學畢業。1969年12月24號,中國電視公司綜藝節目每日一星》六位主持人紫薇劉家昌左豔蓉、郭金發、鄧麗君李健美同時現身呢集節目,演唱聖誕節歌曲[7]。1970年1月4號,《每日一星》六位主持人從本日起,攜手喺中視每個星期日13點15分至14點15分播出嘅新節目《銀河星光》中演出[8]

2004年,郭金發邀請藝人余天等人為受台灣團結聯盟提名參選2004年高雄市議員補選嘅細仔郭建盟灌錄競選歌曲[9]

2006年,臺中市政府舉辦「2006台中粽子節」選拔「金肉粽」;5月18號,郭金發應臺中市市長胡志強邀請,喺臺中市政府公開獻唱《燒肉粽》,並擔任金肉粽選拔代言人[10][11]

郭金發夫婦有三個仔。2007年,做機師嘅郭金發二仔郭建男因癌症驟逝,郭建男「唔煙唔酒,但揾唔出病因」;郭金發因此徹底戒酒,飲食盡量清淡,勤走路[12]

2015年,郭金發同另外三位攞過金曲獎臺語最佳男演唱人獎嘅臺語歌手羅時豐(2004年)、荒山亮(2012年)、陳建瑋(2013年)等三人組成男子歌唱組合「金四喜」,為賀歲片大囍臨門》演唱主題曲《歡喜來恰恰》,並喺全臺各地宣傳演唱[13]

逝世[編輯]

2016年10月8號,郭金發喺高雄市鳳山區公所於衛武營藝術文化中心籌備處園區空地舉辦嘅重陽節敬老演唱會唱歌時昏倒,被送往國軍高雄總醫院急救不治,享壽72歲;郭建盟得知郭金發昏倒嘅消息後趕去國軍高雄總醫院,一度喺急診室外一直嗌住「阿爸加油」;院方轉述,郭金發老婆傷心到暈咗[14]。同郭金發同場演出嘅歌手有謝雷張琪劉福助康弘等,康弘經理人話,同主辦單位連繫後獲知,郭金發演唱《燒肉粽》時,照慣例拉長音時瞬間倒地;謝雷話,郭金發喺唱《燒肉粽》之前唱兩首歌都好正常,但佢唱《燒肉粽》時忽然冇咗聲,無諗到佢突然跌低,現場樂隊小提琴手用心肺復甦術搶救佢[15]高雄市政府消防局五甲分隊話,本日17點36分接獲報案指有民眾頭暈需救護,出動救護車到場至知當事人係郭金發,當時郭金發已無生命徵象;佢哋嘗試以自動體外心臟去顫器(AED)搶救郭金發,但AED顯示唔建議使用,而改用心肺復甦,但郭金發到醫院時都無恢復心跳[16]。郭建盟話,郭金發係心肺衰竭自然死,打咗三十支強心針都救唔番[17][18]

2016年10月8號晚,余天「傳奇50 華麗轉身」售票演唱會高雄巨蛋場,會場擺設郭金發送嘅花,花牌上寫著「圓滿成功」四字;余天喺舞台上唱完《飲者之歌》,得知郭金發猝逝,泣不成聲;來賓賀一航獻唱《懷念的播音員》悼念郭金發,邊唱邊喊[19]中華民國總統蔡英文立法委員許智傑哀悼郭金發逝世:蔡英文喺facebook發文向郭金發家屬致哀,佢話,郭金發低沉渾厚嘅歌聲「將一直留喺台灣人嘅記憶」;許智傑話,佢會向文化部建議,將現有衛武營榕園廣場同旁邊保留嘅中華民國陸軍營舍建立「郭金發台灣老歌音樂紀念館」[20]

2016年10月9號上晝,臺灣高雄地方法院檢察署檢察官趙期正率領法醫蘇文祺同高雄市政府警察局人員,到郭金發遺體停放嘅高雄市新興區自立二路郭建盟服務處驗屍,向郭金發家屬詢問郭金發生前身體狀況後,發現遺體無外傷,推斷死於心肺衰竭,無複驗解剖之必要,已將遺體交畀家屬處理後事[21]。同日,藝人李亞萍話,郭金發做過播音員,余天劉福助、郭金發、劉朗翁清溪倪敏然曾結拜為六兄弟,如今六兄弟得劉福助同余天重在生;郭金發大仔郭建良話,郭金發成日提醒佢「出入小心」,如今佢再亦聽唔到阿爸把聲[22]。同日,臺南市市長賴清德悼念郭金發,佢話,郭金發相當關心臺灣民主運動,郭建盟喺佢督促下做過高雄市議員,兩仔爺一齊為臺灣努力[23]

代表作[編輯]

[編輯]

  1. 肉粽歌王郭金發「賣粽」歌聲中離去 兒:父親最大的福報
  2. 肉粽歌王郭金發 演唱昏倒不治
  3. 王淑芬 (2016年10月8號). "燒肉粽歌王郭金發 演唱突昏倒送醫不治". 中央社. 
  4. "郭金發唱歌養生 渾厚嗓音唱出市民心聲". 中央社. 2016年10月10號. 
  5. Tsai, Ching-hua; Hung, Ting-hung; Chung, Jake (2016年10月9號). "Singer Kuo Chin-fa dies after collapsing during concert". 台北時報. 喺2016年10月10號搵到. 
  6. Wu, Lilian (2016年10月8號). "Taiwanese singing king Kuo Ching-fa dies". 中央通訊社. 喺2016年10月10號搵到. 
  7. 中央社訊,〈中視今起播出 耶誕特別節目〉,《經濟日報》1969年12月21號第8版。
  8. 〈中視六星 携手演出〉,《聯合報》1970年1月4號第5版。
  9. 中央社檔案照片 (2004年). "寶島歌王郭金發2004年邀藝人余天等人,為當時參選高雄市議員補選嘅仔郭建盟灌錄競選歌曲。". 中央通訊社. 喺2016年10月10號搵到. 
  10. 李錫璋 (2006年5月18號). "台中市選拔金肉粽 邀郭金發任代言人". 中央通訊社. 
  11. 中央社檔案照片 (2006年). "台中市政府2006年選拔台中第一「金肉粽」,當時的市長胡志強邀唱紅「燒肉粽」歌曲的老歌手郭金發公開獻唱,並擔任「金肉粽」的代言人。". 中央通訊社. 喺2016年10月10號搵到. 
  12. 蔣鈴鈴 (2016年10月8號). "郭金發四年前喊封麥 關鍵是「體力下滑」". 台灣蘋果日報. 喺2016年10月10號搵到. 
  13. 破億票房喜劇天王 豬哥亮 驚喜現身站台
  14. 王淑芬 (2016年10月8號). "燒肉粽歌王郭金發 演唱突昏倒送醫不治". 中央通訊社. 喺2016年10月10號搵到. 
  15. 娛樂中心、地方中心 (2016年10月8號). "【絕唱片】郭金發猝逝關鍵原因曝光 拉《燒肉粽》長音氣絕". 台灣蘋果日報. 喺2016年10月10號搵到. 
  16. 林錫淵、林丞偉、張力文 (2016年10月9號). "72歲 郭金發猝逝舞台上". 台灣蘋果日報. 喺2016年10月10號搵到. 
  17. 林丞偉 (2016年10月9號). "【清晰片】直擊郭金發絕命66秒 議員兒揭父死因". 台灣蘋果日報. 喺2016年10月10號搵到. 
  18. Chen, Chao-fu; Wen, Kui-hsiang; Chang, Jung-hsiang; Hsu, Elizabeth (2016年10月9號). "Death of Taiwanese singer caused by cardiorespiratory failure". 中央通訊社. 喺2016年10月10號搵到. 
  19. 林丞偉 (2016年10月8號). "【悲片】郭金發最後花束祝福余天 賀一航聞訊爆哭". 台灣蘋果日報. 喺2016年10月10號搵到. 
  20. 王鼎鈞 (2016年10月8號). "郭金發辭世 蔡英文哀悼:歌聲將一直留在台灣人的記憶裡". 今日新聞網. 喺2016年10月10號搵到. 
  21. 林錫淵 (2016年10月9號). "郭金發死因 檢警相驗為心肺衰竭". 台灣蘋果日報. 喺2016年10月10號搵到. 
  22. 娛樂中心 (2016年10月9號). "【獨家】郭金發珍貴身影圖多 結拜6兄弟竟然有他". 台灣蘋果日報. 喺2016年10月10號搵到. 
  23. 辛啟松、王志弘 (2016年10月9號). "賴清德悼郭金發 關心台灣民主運動". 台灣蘋果日報. 喺2016年10月10號搵到.