鄧德成

鄧德成，香港親中派政治人。

政治立場

佢嘅政治立場係親中派。曾經參與由「國際公益法律服務協會」舉辦嘅第一屆「國安教育認證導師資格課程」幫助推廣北京未經諮詢或香港人同意，強行訂立嘅《港版國安法》。

選舉經歷

喺政府大幅度削減直選議席同排除民主派參選，選舉委員會委員可以互相提名都唔當係利害衝突嘅制度下嘅2023年香港區議會選舉，鄧德成曾經以獨立名義參選地區直選（屯門西），攞到4903票，得到任達榮支持，未能當選。

部分公職

• 香港華夏工商協會副會長

部分事件

武漢肺炎疫情期間單方面聲稱有人因為醫護人員行動失救

喺武漢肺炎香港疫情初期，有醫護人員為咗唔想中國嘅疫情蔓延到香港而要求封關，並且醞釀罷工迫令政府妥協。鄧德成號招咗所謂「醫護罷工苦主大聯盟」反對罷工，又聲稱有事主因為醫護人員行動而失救，但當記者追問詳情時，鄧德成就即刻帶走所有參與記者會入面自稱苦主嘅人。