鄭培英
| 鄭培英 | |
|---|---|
| 演員 | |
| 國籍 |  中國 |
| 出世 | 1936年10月25號 中華民國 廣州增城區派潭鎮 |
| 死 | 2015年2月8號（78歲） 中國 廣州越秀區文化公園 |
| 職業 | 粵劇演員 |
| 活躍年代 | 1960年至2015年 |
鄭培英（粵拼：zeng6 pui4 jing1；1936年10月25號—2015年2月8號），原名鄭麗英（zeng6 lai6 jing1），係一位粵劇演員，廣東省廣州市增城區派潭鎮人，佢做過國家一級演員嘅同時，重做過廣東粵劇院嘅藝術指導。
生平
[編輯]鄭培英喺1936年10月25號喺廣東省增城市（而家係廣州市增城區）派潭鎮出世。由於阿爸阿媽都係粵劇界人士，鄭培英自細就成日同佢細佬睇人演出，重去後臺度睇啲演員化妝，佢亦好鍾意跟住留聲機去學粵曲，之後就入埋粵劇嗰行。佢15歲就開始喺業餘劇團學藝。1957年重去咗廣州市嘅「光華」同「越秀」等劇團做過花旦。到咗1960年，佢入咗廣州市粵劇團，跟住第二年就入咗廣東粵劇院做主要演員。由於佢唱啲歌既清脆又響亮，加上又有感情，所以受到觀眾歡迎。到咗1965年，佢重參加咗中南匯演。佢曾經喺1981年唱過《斷橋會》同《熱情候你報佳音》呢兩首歌俾太平洋影音公司頒發咗雲雀獎，再喺1985年嘅《海角情天》呢部篇入面做「羅草蓮」嘅角色重攞埋廣東省現代戲匯演表演一等獎。
喺佢加入咗娛樂界卅幾年，佢影過《風月救風塵》、《血濺烏紗》、《牡丹亭》、《秀才外傳》、《春草闖堂》、《胡不歸》、《袁崇煥》、《秦香蓮》、《山鄉風雲》、《北郭奇兵》、《江姐》、《紅燈照》、《海角情天》、《亂世姻緣》、《高山紅葉》等呢啲戲。甚至重跟埋團到美國、加拿大、香港、澳門等國家同地區度搞過表演。重做過曾任院藝術指導、藝術委員會副主任、一團藝術指導、中國戲劇家協會會員、中國戲劇家協會廣東分會理事、民盟省委委員、東山區政協委員[1]同政協常委[1]等職位。
死
[編輯]喺2015年2月8號，佢喺廣州文化公園中心台表演嗰陣，突發急性心肌梗塞，送院後喺22點40分證實不治，終年78歲[2]。
出版過嘅戲劇
[編輯]| 戲劇名 | 第啲演員 | 註 |
|---|---|---|
| 牡丹亭之拾畫 | 關國華 | |
| 陳世美不認妻之闖宮 | 關國華 | |
| 陳世美不認妻之訴苦 | 關國華 | |
| 真假牡丹之追魚 | 關國華 | |
| 牡丹亭——還魂 | 關國華 | |
| 搜書院之初遇訴情 | 李池湘、關國華 | |
| 救風塵之盼兒智賺 | 關國華、譚玉真、文覺非 | |
| 碧海狂僧 | 關國華 | 泣紅做交響樂伴奏 |
| 遊園驚夢 | 林小群、關國華 | |
| 上林苑和詩——七絕詩和 | 關國華、黃少梅 | |
| 上林苑和詩——同游上苑 | 關國華、黃少梅 | |
| 沙加幫之智鬥 | 紅線女、關國華、王中玉 | |
| 潞安州 | 彭熾權 | |
| 銀河抱月歸 | 彭熾權 | |
| 江上琵琶 | 陳笑風 | |
| 枯井葬芳魂（清宮怨） | 李寶瑩 | |
| 灑淚別長亭 | 彭熾權 | |
| 牡丹亭之杜麗娘寫真 | ||
| 丁山梨花鬧洞房（選段） | 姚志強 | |
| 白居易與琵琶女 | 黃少梅 | |
| 胡不歸慰妻 | 羅家寶 |
攷
[編輯]- 〈郑培英生命最后一分钟 还在台上讲粤剧〉。广州日报。2015-02-10。
- 〈文化公园演出突发心肌梗塞 粤剧名伶郑培英逝世〉。南方日报。2015-02-10。
- 粤剧名伶郑培英逝世 新浪新闻中心 （2015-02-10）
- 粤剧表演艺术家郑培英见面会上突然去世 金羊网 （2015-02-09）