跳去內容

醜小鴨

出自維基百科,自由嘅百科全書
1916年嘅插畫

醜小鴨》(Den grimme ællingThe Ugly Duckling),係安徒生寫嘅童話故仔,故事講一隻醜樣嘅仔最終變成咗天鵝。 1843年11月11號喺丹麥出版,擺喺佢嘅童話集《新冒險》第一卷,第一節,一出版響哥本哈根好評如潮。評論人認為個故仔係安徒生自己對佢後生嗰時嘅描寫。之後譯成各種唔同嘅話,喺世界各地流傳。亦有改編成唔同嘅版本,歌劇、音樂同卡通片

故事簡介

[編輯]

醜小鴨故仔係講述一隻鴨仔出世嘅時候,個樣同其他鴨仔唔同,好醜樣。佢經常俾其他動物同排擠,感到好傷心同孤單。醜小鴨感到自卑,覺得自己冇價值。佢決定離開家園,去搵一個能夠接納佢嘅地方。佢遇到好多唔同嘅動物,因為佢個樣生得怪所以冇人肯同佢玩,唔能夠融入佢哋。最後,醜小鴨遇到一班天鵝,覺得佢哋好靚,好羨慕佢哋。但係佢唔敢接近佢哋,驚會俾佢哋笑。不過,當佢睇見自己喺湖面嘅倒影,佢驚奇噉發現自己竟然變咗一隻好靚嘅天鵝。原來,醜小鴨一直都係一隻天鵝,只係佢自己唔知道。而家佢終於搵到一個屬於自己嘅地方,同其他天鵝一齊生活,令佢感到好快樂同滿足。

寓意

[編輯]

醜小鴨呢個故事教導我哋唔好只係睇表面,人同事嘅價值唔應該只係基於外貌或外表。醜小鴨雖然個個都話佢醜樣,但佢喺成長嘅過程中,展現出內在美同才華。最終,佢發現自己係一隻靚嘅天鵝,並獲得尊重同接納。呢個故事亦提醒我哋,每個人都有自己嘅價值同潛力,唔應該因為外表或其他人嘅評價而感到自卑或沮喪。每個人都有自己獨特嘅魅力同能力,只要相信自己並發揮潛力,就能夠實現自己嘅夢想同目標。因此,醜小鴨呢個故事教導我哋要尊重同欣賞每個人嘅價值,並唔好輕易噉對其他人進行價值判斷,因為真正嘅美麗同價值係出於內心嘅深處。

評論

[編輯]

英國記者安妮(Anne Chisholm)睇返傳記作家珍絲安達臣(Jens Andersen)嘅 Hans Christian Andersen: A New Life 時咁寫:「安徒生呢個男仔,生得高大醜樣,鼻大,腳板大,成日畀其他細路笑,重玩佢,安徒生大仔個之後,有把靚歌聲,亦對戲劇充滿熱情 [1]。」

推測認為,安徒生係克基斯頓弗籍王子(後尾嘅丹麥國王基斯頓八世)嘅野仔,佢寫呢本書之前已經發現咗,所以故事中嘅天鵝唔只係內在美同才華嘅隱喻,亦對秘密皇室血統嘅隱喻 [2]

根據卡露羅臣(Carole Rosen)嘅講法,呢個故仔嘅靈感來自安徒生嘅朋友 Jenny Lind[3]

1843年11月19號, 丹麥報紙《祖國》(Fædrelandet, 1834-82)對醜小鴨咁評論:

...第四部亦係最後一部童話《醜小鴨》。《醜小鴨》雖然有種主觀傾向,但係喺安徒生嘅詩歌作品成日出現,即使同《即興演奏家》、《得個小提琴手》有住相同主題嘅寓言,其變化已經夠晒,亦即係詩人自己調皮攪鬼,但絕冇多愁善感,又如此生動,妙想天開,令讀起嚟,非常之愉快 [4]

出面網頁

[編輯]

[編輯]
  1. Chisholm, Anne (2006-06-05). "The tale of an ugly duckling". The Daily Telegraph. 原著喺2008-03-07歸檔.
  2. Philip, Neil (2005-01-08). "The Little Prince". The Times.
  3. Rosen, Carole (2004). "Lind, Jenny (1820–1887)". 出自 Matthew, H. C. G.; Harrison, Brian (編). Oxford Dictionary of National Biography. Oxford University Press. ISBN 978-0198614111. 喺April 1, 2014搵到. [Lind] inspired at least partly two of his best-known children's stories, The Ugly Duckling and The Emperor's Nightingale [sic]...
  4. Anmeldelse af Nye Eventyr. Første Bind. Første Samling (1844) 互聯網檔案館歸檔,歸檔日期10 June 2007[日期錯]., fra H.C. Andersen Centret.