私生子

伊利沙伯一世因父母婚姻廢除，而變私生子。

私生子（舊時帶價值判斷叫做野仔），仔女一種，講仔女未受公認，父母未經公認方法，私下生出來，無法得到父方而來某啲權益，又或地方，又或一國，失咗某啲權利。公可以指國法、宗教法、宗族法，亦可講地方，講村例，講家法。一般來講，會涉及婚姻法、承繼法、居住權，又關社會福利制度，亦有涉及國籍法。總之牽連甚廣，各地各法，千差萬別。私生子與否，好多時由父母有無公認結婚而定。父母離婚，仔女亦唔會變私生子。

英文字義，非私生為合法，私生為非法。然而唐人傳統，並無強調合法與否，有時私生，亦可得到承認，並非一刀切。現代法律，好多以婚姻介定，非私生叫婚生子女，私生為非婚生子女。

有時法例上無合法結婚，而實際上結合廣為人知，咁就唔當私生子。如有錢人有幾個妻妾生一堆仔女，因為廣受承認，唔會睇成私生子。法律同大眾睇法有差別。

過去依賴家族維繫地方，都鼓勵用公認方法成婚，生兒育女。私通會打亂家族穩定，擾亂承繼，並不鼓勵。為免擾亂，私生唔受承認。某啲情況，私生仔女會有人睇唔起。不過，亦有時會納入公認，唔再私生。英國舊日有時父母及時結婚，而唔再叫私生子。又咁講，好似亂倫，又或同有夫之婦通姦，同婦之夫通姦，咁就無得結婚。

有啲因為法律更動，婚姻合法變非法，因而廢除，子女就變私生子。史上例有英王伊利沙伯一世。

由於現今世界大變，有啲寧願同居，唔願結婚，造就有唔少未婚生仔，甚至成為主流。父母仔女之間法例，更睇重仔女一方多啲。又有講求平等，唔再分有私生定與否，通通都有權承繼父方財產。不過有啲法例仍有差異，例如入籍之類。

私生子出人頭地有唔少，好似達文西咁。

文

廣東話有時專門分男女，男叫私生仔，女叫私生女。唔好聽會話野仔、野女，又野種之類。