金山阿伯

金山阿伯係清末民初時嘅一種現象。金山阿伯係指嗰啲生活喺廣東地方，因為搵唔夠錢畀家人生活，要出洋到舊金山或新金山做苦工，掘金礦。因為美加澳都排華，立例唔畀女眷跟埋去，所以留響金山嘅男人都變成單身寡佬。當佢哋辛辛苦苦慳埋慳埋好多年，終於蓄到咁上下錢，已經變咗年老阿伯，另外有講法係話啲人響外國做到老先返嚟，唔一定指單身寡佬。響呢個時候佢哋返中國娶老婆。中國人就叫佢哋做金山阿伯。