金絲雀

出自維基百科,自由嘅百科全書
跳去導覽 跳去搵嘢
金絲雀公
Serinus canaria canaria

金絲雀學名Serinus canaria),屬燕雀科絲雀屬,毛分咗黃色白色紅色三種顏色,翼有20-23厘米長,身長大約12.5厘米,體重15-20克,色彩鮮艷,鳴囀時間長而不間斷,係400年嚟人工選育嘅結果,屬於鳴禽,依家已經成為家養寵物之一。籠養者平均壽命10-15年,有啲可能有廿幾年命。野生金絲雀鍾意喺灌木樹林間築馬德拉群島亞速爾群島同埋加那利群島係金絲雀嘅繁殖地。

發展歷史[編輯]

金絲雀原產亞速爾群島馬德拉島,喺加那利群島(原屬葡萄牙大西洋島嶼,直至1580年由西班牙菲臘皮二世攞咗)都有。當時葡萄牙人捕捉好多金絲雀轉售歐洲各國,由於佢唱功了得,好適合藝術家飼養,英國法國德意志尼德蘭都對佢趨之若鶩。歐洲繁殖場好快取代咗西班牙人嘅地位,發展到依家已經有超過30個唔同羽色同外型嘅新品種。早喺1800年,由英國人培殖嘅金絲雀已經可以喺寵物店買到。由於英國係海島,過去幾百年所受戰亂較其他歐陸各國為少之故,對培殖唔同品種金絲雀佔咗先機。