銅鑼灣電車廠
銅鑼灣電車廠，又叫做霎東街電車廠（以前叫羅素街電車廠），係一個已經拆咗嘅香港電車車廠，起喺香港銅鑼灣羅素街，即係家陣時代廣場嗰噠地度。
最初香港嘅車廠係喺寶靈頓道同堅拿道一帶。1920年代，香港電車公司決定喺銅鑼灣羅素街起一座大型車廠，來泊同維修電車，叫佢做羅素街車廠。1932年，因為電車多咗，羅素街車廠唔夠用，電車公司喺北角英皇道起多個車廠嚟泊電車。
1950年12月24號，車廠入面曾經發生勞資糾紛，之後演變成警民衝突，稱為羅素街事件。
1951年，電車公司決定擴建羅素街車廠，重改叫霎東街車廠。因為電車廠同霎東街、羅素街民居好近，而喺波斯富街轉入車廠嘅係一條弧形嘅電車軌，電車返廠時就特別嘈，而電車又多數喺半夜返廠休息，所以對住附近嘅人造成噪音騷擾。
霎東街車廠喺1989年3月30號搬咗去屈地街電車廠同西灣河電車廠，原來嘅地盤就起咗今時今日香港地標之一嘅時代廣場。