鐘落潭

出自維基百科,自由嘅百科全書
Jump to navigation Jump to search
鐘落潭地區出面嘅大鐘地標

鐘落潭粵拼zung1 lok6 taam4)係中國廣東省廣州市嘅地名,喺白雲區入面,105國道嘅2523~2515.7km之間嘅位。佢因為之前有個鐘跌咗落潭嘅古仔而改成噉嘅名。

典故[編輯]

喺清朝,嗰時嘅鐘落潭圩又叫樟木潭,之前喺呢個圩嘅西北邊係三角市,嗰時因有幾十戶人家起屋起成條街個樣好似三角噉,所以有咗「三角市」嘅名。由於三角市嘅生意好旺下,所以吸引咗好多商人嚟開舖做生意,短時間內發展到成100~200間商舖,班商人為咗求出入平安,生意興隆,自願厝咗錢喺中心地帶搞咗間關帝廟。嗰時為咗有朝鐘暮鼓嘅講法,喺起好廟宇之前就派人去廣州買咗鐘同鼓,之後用木船仔跟住條流溪河逆水撐返嚟。點知部船到咗泥角潭(鐘落潭圩河邊渡頭)嗰時由於刮狂風、搞到附近飛沙走石,咩都睇唔到咁滯,搞到買咗返嚟嘅大鐘吹咗落潭入面。不過講落又奇,大鐘跌咗落潭之後,即刻風平浪靜,萬里晴空。後嚟啲人經過好多次努力,都撈唔到大鐘返上嚟。結果商人為咗紀念呢單嘢先至將三角市改名做鐘落潭。

[編輯]