嚮香港，鐵門即係鐵閘，如圖鐵門事件嘅主角，即係鐵閘一道
鐵閘係建築物嘅閘門，由生鐵、熟鐵或者鋼、合金成分鑄造。建築物例如大廈加裝鐵閘，主要目的係防盜，兼唔想畀閒人自出自入。
廣東有話「落閘放狗」，個閘就係鐵閘。
呢個名嚮華南地區好普通，尤其嚮廣東省同埋香港，香港差唔多家家戶戶都裝部鐵閘嚮屋企大門外面。而一啲西方國家，屋企都唔會自己畀錢加個鐵閘，佢哋覺得實心木門已經可以防盜；但係屋企可能會裝鐵門，如果住大廈入口可能有鐵閘。
嚮外國，家居「鐵閘」係冇呢個英文字嘅。可能係華南地區嘅賊比較兇猛，所以心理上要用鐵閘嚟對付。
