長者日

長者日喺1979年由香港社會服務聯會創立，係香港為咗推動敬愛長者文化同促進公眾關懷長者需要而創立嘅節日，以宣傳長者對社會嘅貢獻，提倡積極晚年、老有所為等訊息，定喺每年11月嘅第三個禮拜日，最初名為「老人節」，直至1993年，香港政府確認「老人節」嘅重要性，並將佢改名做「長者日」。

喺長者日，65歲或以上係香港居民嘅長者，憑有效嘅「長者咭」或使用「長者八達通」，喺香港可以享有多種優惠，包括：公共交通、景點、博物館、游泳池可以免費享用或有特別優惠價，部份機構亦提供優惠畀陪長者一齊嘅人。