長頸鹿屬

出自維基百科,自由嘅百科全書
How to read a taxoboxWikipedia:點樣睇生物分類框
How to read a taxobox
長頸鹿屬

物種分類
動物界 Animalia
脊索動物門 Chordata
哺乳綱 Mammalia
偶蹄目 Artiodactyla
長頸鹿科 Giraffidae
長頸鹿屬 Giraffa

長頸鹿屬學名Giraffa)係偶蹄目長頸鹿科嘅其中一個,下分做長頸鹿。長頸鹿又嗌麒麟鹿,佢哋生活嚮非洲,係世界上身材最高嘅哺乳動物。通常認為,呢個屬喺現時僅僅係由一個物種組成,佢就係唯一未絕種嘅努比亞長頸鹿(Template:Snamei),亦係呢個物種嘅模式種,但若果使用唔同方法去分析嘅話,現存嘅長頸鹿可以細分到去一到八個物種。除咗呢啲之外,啲人依家仲發現多七種經已滅絕咗嘅長頸鹿嘅化石。

長頸鹿嘅顯著特徵有頸長、腳長、皮骨角,同埋佢哋特有嘅皮毛形態。喺生物分類上便,佢同基因最相近嘅㺢㹢狓同屬長頸鹿科。長頸鹿嘅分布北至乍得,南至南非,西到尼日爾,東至索馬里,通常居住喺疏林草原或者係疏林入便。佢哋食怕醜草亞科為主嘅木本植物嘅葉、果同埋花,佢條長頸令佢哋食到其它動物食唔到嘅植物。佢哋亦可能成為斑鬣狗非洲野犬嘅獵物。長頸鹿係群居動物,带住啲蘇蝦嘅鹿乸同冇血綠關係嘅成年鹿公都傾向組成各自嘅群體,不過佢哋鍾意社交,有時都會聚埋好大嘅一羣。鹿公透過用條頸做架生打交劃分社會等级,邊個贏咗就得以同啲鹿乸交配。而鹿乸嘅唯一責任係養育啲蘇蝦。

長頸鹿因爲佢哋獨特嘅外觀同行為,成為由古至今嘅各種文化嘅組成元素,經常出現喺繪畫、書籍、漫畫之中。國際自然保護聯盟認定佢做易危物種,喺部分地區已經局部地區滅絕。長頸鹿係眾多國家公園同主題公園嘅常客,截至2010年 (2010-唔見咗必要嘅參數 1=月份),動物園中嘅長頸鹿有1,600幾隻。截至2015年 (2015-唔見咗必要嘅參數 1=月份),世界上總共有大概97,500隻長頸鹿。

[編輯]