開局系統
國際象棋入面，開局系統（英文：opening system）係指一啲開局，佢可以幾乎唔理對手點樣行，淨係行自己嘅兵同埋棋就得。例子有倫敦系統、Colle 系統、Réti 開局等等。
常見嘅開局系統
[編輯]Colle 系統
[編輯]内文：Colle 系統
| a | b | c | d | e | f | g | h | ||
| 8 |        | 8 | |||||||
| 7 | 7 | ||||||||
| 6 | 6 | ||||||||
| 5 | 5 | ||||||||
| 4 | 4 | ||||||||
| 3 | 3 | ||||||||
| 2 | 2 | ||||||||
| 1 | 1 | ||||||||
| a | b | c | d | e | f | g | h | ||
白棋 Colle 系統基本步法，後續包括 Nbd2 同 0-0.
Colle 系統（英文：Colle System，又叫 Colle-Koltanowski 系統）係國際象棋入面白棋用嘅一種開局系統。最初係喺1920年代由比利時大師 Edgard Colle 用先嘅，之後再由同樣係嚟自比利時嘅棋手 George Koltanowski 推廣同普及。
Colle 系統嘅特性可以由以下幾步嚟歸納：白棋中間兩隻兵推去 d4、e3，王翼騎士去 f3，王翼主教去 d3，c兵去 c3。之後常見嘅續包括后翼騎士去 d2（Nbd2）同王翼入堡（0-0）。Colle系統嘅一個重點就係喺適當嘅時候將喺 e3 嘅兵推去 e4，呢格 e4 由喺 d3 嘅主教、d2 嘅騎士同埋 e1 嘅城堡（0-0之後Re1）支撐住。有啲書對 Colle 嘅定義有特定嘅行法次序，但係其實佢係一個開局系統，即係話棋手可以用唔同嘅行棋次序嚟達到呢一個開局。一鋪棋嘅開局，若果包括以上全部或者大部份嘅步法，而且唔包含一啲會歸類去其他開局嘅步法（例如推 e3 兵之前后翼主教去 f4 嘅話會歸類做倫敦系統），咁都會歸類做 Colle 系統。
雖然 Colle 系統受到唔同嘅批評，而且喺廿一世紀初大師級嘅棋局入面好少見到，但係都有好多人認為 Colle 係一個穩陣同玩得嘅開局，亦都有好多教練會教啲新手用呢一個開局。
