開篷巴士

出自維基百科,自由嘅百科全書
跳去: 定向搵嘢
日本東京一架開篷巴士
一架單層開篷巴士

開篷巴士係一種成個或者一部分車頂拆走咗嘅巴士,開篷巴士通常都係雙層巴士,不過單層嘅開篷巴士都一樣有。

開篷巴士嘅開頂方式有幾種,可以係成個車頂拆咗去嘅、可以係拆咗車頂一部分、又或者係成個或者一部分車頂拆咗去,但有需要嗰時可以裝返個車頂上去嘅。

開篷巴士通常俾人用嚟做觀光車,喺市區或者一啲旅遊景點度行,畀人坐喺巴士上面睇風景。開篷巴士亦可以用嚟做城市巴士或者係俾人租嚟作特別用途,例如宣傳同埋球隊嘅勝利巡遊。