閔恩澤

出自維基百科,自由嘅百科全書
Jump to navigation Jump to search

閔恩澤1924年2月4號2016年3月7號),原籍浙江吳興(今湖州),生於四川省成都。係石油化工催化劑專家。1946年於國立中央大學南京大學)工學院化學工程系(今南京工業大學)畢業。1951年獲美國俄亥俄州立大學博士學位。中國石油化工股份有限公司石油化工科學研究院學術委員會主任、高級工程師。1980年當選為中國科學院學部委員(院士),1993年當選第三世界科學院院士,1994年當選中國工程院院士。2007年9月18號榮獲首屆中國催化成就獎張大煜獎,2007年度國家最高科學技術獎獲得者。感動中國2007年度人物之一。

1960年代主持開發咗製造磷酸硅藻土疊合催化劑嘅混捏—浸漬新流程,通過中型試驗提出咗鉑重整催化劑嘅設計基礎,成功研製航空汽油生產急需嘅小球矽鋁催化劑,成功主持開發微球矽鋁裂化催化劑。1970年代,又指導生產咗新一代催化劑。1980年代起,開展咗非晶態合金、負載型雜多酸等新催化材料同磁穩定床、懸浮催化蒸餾等新反應工程嘅導向性基礎研究,成果已推向工業化,2005年「非晶態合金催化劑同磁穩定床反應工藝嘅創新與集成」獲國家技術發明獎一等獎。近年嚟,進入綠色化學嘅研究領域,策劃指導開發成功化纖單體己內酰胺生產嘅成套綠色技術同生物柴油製造新技術。代表作有《工業催化之路嘅求索》以及《綠色石化技術嘅科學與工程基礎》等。

2016年3月7號上晝5點05分喺北京逝世,終年93歲[1][2]

佢夫人係中國科學院院士、石油化學家陸婉珍。陸婉珍喺2015年11月17號凌晨2點因病喺北京逝世。

[編輯]

  1. "国家最高科学技术奖获得者、两院院士闵恩泽逝世,享年93岁". 澎湃新聞. 喺2016-03-07搵到. 
  2. "我国炼油催化应用科学奠基者闵恩泽院士逝世". 中國科學院. 2016年3月8日. 喺2016年3月8日搵到.  檢查日期值喺: |access-date=, |date= (詳情)

連出去[編輯]