關白

出自維基百科,自由嘅百科全書

關白,係日本古代一個職位,主要責職係輔佐天皇

歷史[編輯]

關白一字由中國傳入日本,出自霍光。因為響漢宣帝時期,霍光好有權力,所以咩嘢事都要話畀先,呢件事就紀錄響《漢書》一句「諸事皆先關白光,然後奏天子」,後嚟為咗避諱,所以又叫博陸。

大約響880年887年之間,由藤原北家成員基經創立關白一位,並就任做關白。之後因為藤原氏坐大,權力大到架空咗天皇,所以關白就做咗最高官位,而且關白一位仲要係藤原北家嘅人先至做得,久而久之就變成世襲官位。而同時仲有另一個官位升咗上嚟,嗰個就係攝政,所以佢同關白合稱為「攝關」。

1131年,忠通繼承關白一位,19年後近衛天皇提出要忠通將關白傳畀細佬賴長(因為前任關白、即忠通同賴長個老豆忠實生前好鍾意賴長,而賴長又好叻仔),但係忠通就一口拒絕,呢年決定唔單止激嬲咗天皇,仲激嬲埋藤原北家一班老臣子,結果就響1156年爆發保元之亂。雖然最後賴長畀人殺死,但呢件事導致藤原北家分裂,分咗近衛家松殿家九條家三家,而且後嚟呢件事導致平清盛成功「上位」,藤原北家徹底分裂。

後嚟關白九條忠家規定,關白一位由五攝家輪流做。

至到1868年,政府頒令王政復古,關白、攝政同幕府大將軍都畀人廢除,而最後一任關白係二條齊敬

睇埋[編輯]