關空快速·紀州路快速

關空快速·紀州路快速
主要運行列車，225系5100番台
概述
日文名	関空快速・紀州路快速
開行日期	關空快速：1994年9月4日 紀州路快速：1999年5月10日
營運商	西日本旅客鐵道（JR西日本）
列車等級	快速列車
運行距離	關空快速：67.7公里（42.1英里） （天王寺–大阪–關西機場） 紀州路快速：83.0公里（51.6英里） （天王寺–大阪–和歌山）
途經路線	大阪環狀線、阪和線、 關西機場線、紀勢本線
列車服務
席位等級	普通等自由席
技術
使用車輛	223系0番台/2500番台 225系5000番台/5100番台 （吹田綜合車輛所日根野支所）
軌距	1067mm
電氣化	直流1500V
運行速度	120km/h

關空快速·紀州路快速（関空快速・紀州路快速）係JR西日本嘅一個列車種別，負責營運來往大阪、關西機場同埋和歌山嘅列車。每15分鐘一班，第1-4卡車去關西機場站，第5-8卡車去和歌山站方向，喺日根野站合併同分離。

簡介

呢架車連接阪和線（一部分紀勢本線）、關西機場線同大阪環狀線，係一種快速列車，好似關空快速、紀州路快速、大和路快速、都路快速、丹波路快速咁。

關空快速

1994年6月15日，關西機場線暫定開業，由天王寺站去關西機場站嘅快速列車開始營運。而關空快速係經過延長一架喺日根野站折返嘅列車去到關西機場站而成嘅產物。9月4日關西國際機場正式開幕，關空快速開始營運由關西機場站至JR難波站同大阪環狀線嘅路段。日間列車會喺天王寺站，將往返京橋站的6輛編成列車同往返JR難波嘅2輛編成列車，進行合併同分離。然而，喺1996年3月23日 至 1998年3月31日，由JR難波站出發嘅列車淨係得指定席，後述嘅關空特快「Wing」同樣被人廢止。往返JR難波站嘅列車喺2008年3月15日時刻表修訂嘅時候被人廢止。

運行

停車站

天王寺站 …＜當中經由鶴橋站・京橋站各站停車＞… 大阪站 - 福島站 - 西九条站 - 弁天町站 - 大正站 - 新今宮站 - 天王寺站 - 堺市站 - 三國丘站 - 鳳站 - 和泉府中站 - 東岸和田站 - 熊取站 - 日根野站 -

關空快速：臨空城站 - 關西機場站

紀州路快速：長瀧站 - 新家站 - 和泉砂川站 - 和泉鳥取站 - 山中溪站 - 紀伊站 - 六十谷站 - 紀伊中之島站 - 和歌山站 …＜各站停車＞… 紀伊田邊站

乘客資訊顯示板會喺大阪站，喺「快速列車」或「各駅停車」之間切換。

往返和歌山站嘅紀州路快速紀國線快速列車停車站：

紀伊田邊站 …＜各站停車＞… 御坊站 - 紀伊由良站 - 湯淺站 - 藤並站 - 箕島站 - 加茂鄉站 - 海南站 - 黑江站 - 紀三井寺站 - 和歌山站。

用車同埋編組

關空快速・紀州路快速歷年之間嘅改變

Template:TrainDirection ←關西機場・和歌山方向 大阪・京橋方向→

1994年9月4日 - 1999年5月9日 1 2 3 4 5 6 7 8 關空快速 往返京橋 關空快速 往返JR難波

運行初期嘅時候係用1 - 2號車卡往返JR難波站，3 - 8號車卡往返京橋站。

1999年5月10日 - 2008年3月13日 1 2 3 4 5 6 7 8 關空快速 紀州路快速 紀州路快速 關空快速 關空快速 紀州路快速

因應時段編組會有唔同。 亦都有出現過3／5／6／8輛編成嘅關空快速。

2008年3月14日 - 2012年3月16日 1 2 3 4 5 6 7 8 關空快速 紀州路快速

亦都有出現過4／8輛編成的關空快速、紀州路快速。

2012年3月17日以後 1 2 3 4 5 6 7 8 關空快速 紀州路快速 紀州路快速 關空快速

下段淨係得上行列車。 亦都有出現過4／8輛編成的關空快速、紀州路快速。

全部列車都係用吹田總合車輛所日根野支所嘅223系0・2500番台、225系5000・5100番台營運。

關空快速一開始係用6輛編成或者 6+2=8 輛編成嘅列車嚟營運，日間部分列車會喺天王寺站，將往返京橋站嘅6輛編成同往返JR難波嘅2輛編成，進行合併同分離（1996年3月16日改咗喺大阪進行）。但係喺晚間會喺日根野站進行。

1999年5月10日時刻表修訂，關空特急「Wing」廢止，編組改咗做 5+3 ，直通大阪環狀線嘅列車大半會喺日根野站同紀州路快速合併同分離。統一做4輛編成之前，日間會用1 - 5號車做關空快速、6 - 8號車做紀州路快速，繁忙時間就用1 - 5號車做紀州路快速，6 - 8號車做關空快速。喺傍晚或者星期六日夜間，關空快速・紀州路快速亦都會出現3輛編成的列車。關空快速亦都會有以3、5、6 (3+3) 或者8輛 (5+3)嘅單獨列車營運。

2008年3月14日，關空快速・紀州路快速嘅用車，全部換咗做4輛編成，關西機場/和歌山方向同關空快速、大阪方向嘅紀州路快速都統一咗做4輛，解決咗發車時序引申出嚟關於下行連結順序嘅問題。

旅客資訊

關空快速嘅車種顯示（引入咗車站編號之後）

關空快速嘅車種顯示（用緊全彩LED）

為對應關西國際機場嘅服務，呢各種別嘅用車係223系・225系，有對應英文嘅自動廣播裝置，關空快速喺大阪站 - 關西機場站（紀州路快速：日根野站以北）嘅路段會用自動廣播。

由於去日本旅行嘅人越嚟越多，而且合併嘅紀州路快速誤搭事件甚多。2015年11月嘅下旬，自動廣播加入中文同韓語、車長喺紀州路快速嘅車入面發現有外國人就會派一張寫住中英韓日4國語言嘅「本次列車並不前往關西機場」卡片。因為想更加有效咁防止誤搭嘅情況，JR喺關空快速嘅停車站入面貼咗啲海報，大站嘅月台亦都會播4國語言嘅廣播。其中，一個來自泉南市嘅男性，當佢喺紀州路快速嘅車廂入面見到有啲唔識轉關空快速嘅外國人，就會主動提示同埋帶領佢哋。之後，JR西日本喺日根野站月台引入咗義工幫手處理呢啲情況，同埋回應投訴。

2014年，JR西日本引入路線車站編號系統。去關西機場嘅列車，會顯示飛機圖案同關西機場線嘅記號 S。去和歌山嘅列車，會顯示阪和線嘅記號 R。直通大阪環狀線嘅列車，就會顯示大阪環狀線嘅記號 O 。另外，亦都有時會見到有 A 。