阮蘇少湄

阮蘇少湄（Betty Yuen，1958年—），香港建制陣營（商界親中派）政治人物兼商界人士，香港中華電力副主席、香港總商會主席。

阮蘇少湄喺加拿大多倫多大學攞到商科學士學位同埋特許會計師嘅資格。回流後曾效力羅兵咸永道會計師事務所同埋埃克森美孚。佢喺1999年加入中電，出任財務及策劃董事，2002年4月成為首位華人同女性擔任中電常務董事，2009年被診斷出患上早期乳癌並暫停職務，2010年休養復出後轉任中電副主席。

選舉經歷

喺2016年，佢成為香港特别行政區選舉委員會商界（第一）委員。之後，佢有份提名林鄭月娥參與2017年香港行政長官選舉。

喺2021年8月，佢當選成為香港特别行政區選舉委員會商界（第一）委員。之後佢喺李家超無提政綱嘅情況下，有份提名李家超參與2022年香港行政長官選舉。