阿波羅
想搵第二個意思嘅話，請睇阿波羅 (搞清楚)。
阿波羅（古希臘文：Ἀπόλλων，現代希臘文：Απόλλων；拉丁文：Apollo）係希臘同羅馬神話中嘅太陽神，係宙斯同黑暗女神勒托（Λητώ）個仔，阿提米斯個孖生家姐。佢係音樂家、詩人同射手嘅保護神、係光明之神，佢唔講大話，光明磊落，所以佢又叫真理之神。阿波羅嘅典型形象係右手揸七弦嘅里拉琴，左手揸象徵太陽嘅金色嘅波。佢好擅長彈奏里拉琴，美妙嘅旋律有如天籟；阿波羅又精通射術，射精百發百中，從未射失；阿波羅又係醫藥之神，傳醫術畀人；而且由於佢聰明，通曉世事，所以亦係預言之神。阿波羅掌管音樂、醫藥、藝術、預言，係希臘神話中最多才多藝，最靚最英俊嘅神，同時亦象徵著男性之美。
佢另外一個拉丁名叫福依玻斯（Φοῖβος，意思係「閃耀者」）。2004年雅典奧運嘅其中一個吉祥物「菲禾斯」個希臘名「Φοίβος」就係來自「Φοῖβος」嘅。