陰澳

出自維基百科,自由嘅百科全書
Jump to navigation Jump to search
陰澳木塘

陰澳粵拼jam1 ou3,英文:Yam O)係香港大嶼山東北一個長袋形港灣。最入叫做陰澳叾Yam O Tuk粵拼jam1 ou3 duk1[未記出處或冇根據]。佢開口西北岸係鹿頸,門口東南岸係大陰。行政上陰澳係歸荃灣區,而村就屬荃灣鄉事委會員

地形來講,澳就家下叫嘅港,俾山抱住,另有出海口,係啱晒舶船嘅地方。唐人來講山北或者水南叫陰,而陰澳響大嶼山北,所以呢個澳就叫做陰澳。

木塘[編輯]

陰澳成港三面俾山圍住,所以比較風平浪靜。響澳西北岸鹿頸到陰澳叾之間有個沙灘叫陰澳灣,水比較淺。個灣出就係陰澳最出名嘅陰澳木塘,可以話係天然木倉。木塘利用呢個天然環境,響個澳中間棟好多支木樁,固定放響水上嘅

木塘原本唔係陰澳灣一段,因為要起北大嶼山高速公路青嶼幹綫)、機場快綫香港地鐵東涌綫,所以陰澳東南岸填海拉直。木塘因為咁縮到去陰澳灣度。

欣澳[編輯]

欣澳交通交匯,背後個山係大陰頂

大陰頂個位度對出,原本有打水灣。因竹篙灣香港迪士尼樂園,響度填海起咗個地鐵站,個名用陰澳諧音,叫欣澳,英文取名Sunny Bay,站附近新填地亦叫做欣澳,配合迪士尼樂園開心主題。

[編輯]

座標: 北緯22°19′45″東經114°01′24″

  • 陳志華 (2005-06-23). "陰澳". 大公報. 
陰澳(英文: Yam O),又叫做欣澳(英文名: Sunny Bay)