陰澳

陰澳木塘

陰澳（粵拼：jam1 ou3，英文：Yam O）係香港大嶼山東北一個長袋形港灣。最入面叫做陰澳叾（Yam O Tuk，粵拼：jam1 ou3 duk1）。佢開口西北岸係鹿頸，門口東南岸係大陰。行政上陰澳係歸荃灣區，而村就屬荃灣鄉事委會員。

地形來講，「澳」就係而家叫嘅「港」，俾山環抱住，另有出海口，係啱畀船隻停泊嘅地方。喺風水嚟講山北或者水南叫陰，而陰澳喺大嶼山北，所以呢個澳就叫做「陰澳」。

木塘

陰澳成港三面俾山圍住，所以比較風平浪靜。響澳西北岸鹿頸到陰澳叾之間有個沙灘叫陰澳灣，水比較淺。個灣出就係陰澳最出名嘅陰澳木塘，可以話係天然木倉。木塘利用呢個天然環境，響個澳中間棟好多支木樁，固定放響水上嘅木。

木塘原本唔係陰澳灣一段，因為要起北大嶼山高速公路（青嶼幹綫）、香港地鐵機場快綫同東涌綫，所以陰澳東南岸填海拉直。木塘因為咁縮到去陰澳灣度。

欣澳

欣澳交通交匯，背後個山係大陰頂

大陰頂個位度對出，原本有打水灣。因竹篙灣起香港迪士尼樂園，響度填海起咗個地鐵站，個名用陰澳諧音，叫「欣澳」（Sunny Bay），站附近新填地亦叫做欣澳，配合迪士尼樂園開心主題。

攷

• 陳志華 (2005-06-23)。〈陰澳〉。大公報。