陰聲調

出自維基百科,自由嘅百科全書
Jump to navigation Jump to search

陰聲調係漢語聲調嘅分類。中古漢語裏頭,清聲母嘅字歸陰聲調。如今普通話只有平聲仍然分為陰平聲(第1聲)同陽平聲(第2聲),其他聲調已經陰陽不分。其他漢系語言嘅聲調,都各自有陰陽合併嘅現象;唯獨是粵語依然完完整整咁,保存住中古漢語陰、陽聲調嘅分別。

粵語裏頭嘅陰聲調有五個:陰平聲(第1聲)、陰上聲(第2聲)、陰去聲(第3聲)、陰入聲(第7聲)、中入聲(第8聲)。呢幾個聲調嘅調值(即係聲音嘅頻率),明顯高過其餘四個陽聲調,呢個亦係粵語嘅一個特式。其他漢語嘅陰聲調(如果有分嘅話),未必一定高音過對應嘅陽聲調;例如閩南廈門話嘅陰去調(第4聲),調值係21,高唔過調值係22嘅陽去聲(第5聲);又例如天津話陰平聲調值係21,低過陽平聲嘅35。