脧環

出自維基百科,自由嘅百科全書
(由陰莖環跳轉過嚟)
Jump to navigation Jump to search
脧環
矽膠脧環(包莖矯正器)

脧環粵拼zeoi1/zoe1 waan4)係套喺男人上嘅性玩具,一般套喺脧嘅底部,主要係用嚟減慢扯旗之後血液流出脧嘅組織,從而延長扯旗嘅時間。陰莖環可以直接戴喺脧上,或者將脧同膥袋一齊套入環裏面,又或者只係戴喺膥袋上(咁樣戴,一般會叫做「睾丸鎖」)。脧環可以由好多種唔同嘅物料製造,最普遍嘅係皮革橡膠矽膠或者金屬

通常男人會因爲有扯旗困難而佩戴脧環。又或者佢哋中意收緊嘅特殊感覺同埋增加脧脧充血量而佩戴。

某啲款式會包括凸出嘅金屬珠,用嚟喺性交嗰陣刺激陰核陰戶或者肛門。另外亦有附加振動器嘅,用嚟刺激自己或性交對像嘅睾丸或者陰戶。仲有充氣式嘅,可以控制脧環充氣量。

三段式嘅脧環有額外嘅環套住睾丸。當性交高潮嗰陣,睾丸通常會喺射精嗰陣向身體方向收縮。三段脧環通過強制睾丸留喺原有位置唔向身體方向收縮,從而改變及強化性高潮嘅感覺。

脧環佩戴得太緊或太長時間會造成危險,會引發脧持續扯旗症。如果唔及時處理會造成嚴重及永久性嘅傷害,包括脧脧壞死。爲咗減低佩戴脧環所造成嘅風險,某啲脧環會有「快懈」設計,以方便喺持續勃起嘅時候好快咁將脧環攞落嚟。

有陣時,脧環亦會同脧泵一齊用。

參考[編輯]