陳志祥

陳志祥參與721襲擊事件

陳志祥（1962年或1974年 - ），人稱西瓜佬，係2019年元朗七二一事件入面其中一位出名嘅襲擊者，佢襲擊立場新聞女記者何桂藍（人稱立場姐姐）嘅影像被正面錄低咗，係呢單襲擊事件嘅代表性影像，亦因此聲名大噪。雖然陳志祥已被香港警方拘捕，但佢去到2021年仍然無被警方起訴。

生平

喺元朗長大嘅陳志祥具黑幫背景，屬元朗14K嘅分支，係「蝦碌」嘅下屬 ，並且喺荃灣好活躍。

元朗站恐怖襲擊事件

喺2019年，香港陷入逃犯條例爭議，市民發起咗好多抗議活動。但係喺7月21號，元朗站就發生咗一宗針對反對逃犯條例人士，疑似由黑社會人士發起嘅恐怖襲擊事件。

陳志祥正面向立場新聞女記者何桂藍攻擊，點知影像畀何桂藍倒地前影低咗 ，成為元朗襲擊事件嘅代表性影像之一。

襲擊完何桂藍後，陳志祥衝到港鐵車廂繼續攻擊其它無辜嘅市民，整個襲擊過程都被完整攝錄 。

事件後續

陳志祥之後成為咗唔少傳媒同市民留意嘅對象，後來有網民留意到，原來佢喺事件前嘅7月16號，就已經係大埔參與破壞和平表達訴求嘅連儂隧道，又號召「圍頭佬」同「鄉黑」包圍舉辦聲討警暴放映會嘅元朗居民。

接著環繞爭議嘅示威活動入面，香港民眾經常喺遊行入面以警方事發多月，喺罪證確鑿嘅情況下仍未將陳志祥起訴，而質疑警黑合作。有消息話佢已經潛逃外地，而佢嘅農莊亦無人應門，電話亦無人聽；但係就無辦法證實消息係咪屬實。

2019年9月20日，佢因為有份參與七二一元朗襲擊事件被捕。

喺2021年2月，公民記者朝雲（蕭雲龍）喺立場新聞發佈文章，表示查證到佢嘅 Facebook 帳號係『Jacky Chan』。佢經常喺Facebook 頻繁轉載《港人講地》、《香梘新聞》、《向香港警察致敬》等親共媒體同埋人物嘅言論，內容都係擁護中共同香港政府、支持何君堯、香港警察同埋梁振英。另外，文章又提到，事件發生後，元朗每月每逢21號都有衝突，而陳志祥亦經常喺Facebook留言指摘採訪事件嘅記者。對於陳志祥不知所終，朝雲形容佢嘅逍遙法外，喺呢個時代係意料之內。

睇埋

• 七二一元朗襲擊
• 施君龍