十四K

出自維基百科,自由嘅百科全書
跳去導覽 跳去搵嘢

十四K香港一個三合會組織,成員介乎十二至二十萬人,喺1990年代仲試過係全世界最大黑幫。佢喺1940年代國共內戰之後出現,喺廣州嗰陣叫「洪發山忠義堂」,嚟香港發展之後改叫14K,因為佢舊時係廣州個總部地址:西關寶華路14號,所以啲會員都自稱「十四號」,以「洪發山、忠義堂、珠江水、白雲香」做山頭訣,又用「忠、孝、仁、愛、信、義、和、平」等八個字「堆」進行活動。

據講14K同國民黨關係密切,係蔣介石用嚟對抗中國大陸同擾亂社會民生。14K個「K」就係國民黨(Kuomintang)第一個字母,另一個講法話「十四號」嘅人馬喺 1952年石硤尾火併粵東幫會大獲全勝,就喺十四號後面加多個「K」字,話係「金漆招牌」咁解[1][2]

流行文化[編輯]

香港一間家居用品店「住好D」曾經用十四K做題材設計咗一系列T恤明信片,喺2007年11月1號香港警方搜查呢間家居用品店嘅五間分店同貨倉,收咗八十八件印有「拾肆K」嘅T恤同五百幾張明信片,拉咗九女九男,包括公司創辦人同售貨員,涉嫌管有三合會有關物品[3]。啲差佬喺2008年1月18號無條件釋放佢哋,話經過調查,相信被捕嘅人都冇三合會背景,所以撤控。不過間公司話因為呢單嘢,唔會再用黑社會作為題材[4]

相關事件[編輯]

參考[編輯]

  1. 中港臺黑社會的發展脈絡 互聯網檔案館歸檔,歸檔日期2011年3月1號,.星島環球網
  2. 14K 原為特務組織 互聯網檔案館歸檔,歸檔日期2007年11月3號,. 蘋果日報 2007-11-02港聞
  3. "搜查G.O.D.拘東主店員18人 警方大陣仗掃蕩拾肆KT恤". 蘋果日報. 2007-11-02. 喺2021-02-28搵到.
  4. "警方知衰撤控「拾肆K」 住好啲老闆:日後堅持出位創作". 蘋果日報. 2008-01-18. 喺2021-02-28搵到.
  5. "元朗暴力事件警再拘一人". 蘋果日報 (中文). 2019-07-25. 喺2021-02-28搵到.
  6. "拘11人 和勝和佔多 挺梁振英鄉黑勢力 白衣暴徒起底 江湖猛人鄧志學落網". 成報. 2019-07-24. 原先內容歸檔喺2021-02-28. 喺2021-02-28搵到.

[編輯]