陳振東
| 陳振東 | |
|---|---|
| 出生日 | 1952年  |
| 國籍 | 中華人民共和國 |
| 職業 | 政治人 |
[改維基數據] | |
提示：呢篇文講嘅唔係陳振聰。陳振東博士（英文：Dr. John Chan，1952年—）係香港企業家同政治人物，渝振控股集團主席。
簡歷
[編輯]陳振東出身木屋區。因爲家境困難，中學畢業之後就將繼續讀書嘅機會讓畀細佬妹，自己就一邊做嘢一邊進修會計。1986年，佢抵押咗自己間屋，用得返來嘅卅萬緡創立「香港預發投資有限公司」。後來爲咗攞到美國品牌Playboy嘅中國區總代理權，寄咗廿幾次信去Playboy總部，終於取代日本人嘅總代理身份[1]。
陳振東多年來擔任嘅公職不計其數，包括香港工業總會理事會理事、全國政協委員、香港特區政府中央政策組轄下泛珠三角小組成員等等。學歷方面，陳振東先後攞到城大行政人員工商管理碩士同工商管理學博士學位。陳振東不遺餘力推動城大發展，成爲2009年兩位首屆城大傑出校友中嘅一位，後來得到該大學邀請佢做商學院特約教授，又將校內一個演講廳命名爲「陳振東演講廳」[2]。陳振東自2006年起亦擔任香港公開大學李嘉誠專業進修學院榮譽顧問[3]。
個人榮譽
[編輯]- 香港青年工業家獎（1996年）[2][3]
- 中國十大創業英才（2006年）[2][3]
- 湖南省十大人物[2]
- 城大傑出校友（2009年，首屆）
- 香港公開大學榮譽大學院士（2009年）[3][4]
- 香港城市大學榮譽院士（2011年）[1][2]
攷
[編輯]- ↑ 1.0 1.1 〈榮譽院士陳振東博士〉 (PDF) (繁體中文)。香港城市大學。
- ↑ 2.0 2.1 2.2 2.3 2.4 〈城大頒授榮譽院士銜予四位傑出人士〉 (新聞稿) (繁體中文)。香港城市大學。2011年9月22號。
- ↑ 3.0 3.1 3.2 3.3 〈香港公開大學頒授榮譽大學院士〉 (新聞稿) (繁體中文)。香港公開大學。2009年10月16號。
- ↑ 香港公開大學簡介 - 榮譽博士及院士 | 香港公開大學，香港公開大學 （繁體中文）
出面網頁
[編輯]- 〈預發控股集團〉。
- 〈榮譽會長-城大EMBA同學會〉 (繁體中文)。